فواد چوہدری کا کہنا ہےکہ اپوزیشن نےعمران خان کو گرانے کی 7 بار ناکام کوششیں کیں۔

وفاقی وزیر اطلاعات ونشریات فواد چوہدری نے پنڈ داد نخان میں میڈیا سے گفتگو کرتے ہوئے کہا کہ یہ سمجھتے ہیں مدرسے کے بچے ہمیں کندھوں پراٹھائیں گے، فضل الرحمان کوسیاست ٹھیکے پر دینےسے بھی ووٹ نہیں ملیں گے۔

انہوں نے کہاکہ بلاول بھٹوکراچی میئرکےالیکشن پرتوجہ دیں ، بلاول بھٹوکوتقریروں سےووٹ نہیں ملیں گے، بلاول بھٹوکواپنی سیاست خود کرنی پڑے گی۔

وفاقی وزیر نے کہاکہ نوازشریف اوراسحاق ڈار میں ہمت ہے تو ملک آکر کیسز کا سامنا کریں ،
حیران ہوں لوگ کس منہ سےنوازشریف کوسپورٹ کرتےہیں۔

فواد چوہدری نے کہاکہ اپوزیشن کا اپنا کوئی قد نہیں،دوسروں کے کندھے پرسیاست کر رہے ہیں ، بلاول بھٹو مولانا فضل الرحمان کے کندھے پرسیاست کررہےہیں، بلاول بھٹو بےنظیربھٹوکی سیاست کریں،زرداری کی نہیں۔

انہوں نے کہاکہ بلاول بھٹوکومعلوم ہےجہلم سے 15 بندے بھی نہیں نکلیں گے، بلاول بھٹومدارس کے طلبا کے اوپرسیاست کرناچاہتےہیں، جنہو ں نے معیشت برباد کی وہی مہنگائی کی بات کرتے ہیں۔

یہ بھی پڑھیں: افغانستان میں طالبان کی حکومت کو آج یا کل تسلیم کرنا ہی پڑے گا، وزیراعظم

یہ بھی پڑھیں: اپوزیشن کاوزیراعظم کیخلاف تحریک عدم اعتماد جمع نہ کروانے کا فیصلہ

وزیراطلاعات نے کہاکہ شہبازشریف کبھی زرداری توکبھی فضل الرحمان سےملاقات کرتے ہیں، نوازشریف اوران کےبیٹےلندن میں بیٹھےہیں،قوم پیسےکی واپسی تک نوازشریف اینڈ کمپنی کو معاف نہیں کریگی۔

انہوں نے کہاکہ مقصود چپڑاسی ودیگرملازمین کےنام پراربوں روپےکہاں سےآگئے؟

فوادچوہدری نے کہاکہ سابقہ حکمرانوں کی وجہ سےآج ملک کی یہ حالت ہے،نوازشریف اوراسحاق ڈارکی ملک واپسی کی جرات نہیں، نوازشریف ،اسحاق ڈاروطن واپسی آکرمقدمات کا سامنا نہیں کر سکتے۔

وفاقی وزیر نے کہاکہ نوازشریف ودیگرکےساتھ کوئی ذاتی لڑائی نہیں، ہماراایک ہی مطالبہ ہےقوم کا پیسہ واپس کیاجائے، پہلےدن سےکہہ رہےہیں سارےچوراکٹھےہیں۔

انہوں نے مزید کہاکہ عوام سےکیےگئےوعدےپورےکیے۔