دورہ پاکستان،آسٹریلوی ٹیم کل صبح اسلام آباد پہنچے گی

ویب ڈیسک

26th Feb, 2022. 10:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دورہ پاکستان،آسٹریلوی ٹیم کل صبح اسلام آباد پہنچے گی

تقریباً 24 سال بعد پاکستان کا دورہ کرنے والی آسٹریلوی کرکٹ ٹیم کل صبح اسلام آباد پہنچ جائے گی۔

تفصیلات کے مطابق 27 فروری سے 6 اپریل تک اپنے دورہ پاکستان میں آسٹریلوی ٹیم پاکستان میں تین ٹیسٹ، تین ون ڈے او ر ایک ٹی ٹوئنٹی میچ کھیلے گی۔

آسٹریلوی کرکٹ ٹیم 24 سال پاکستان آرہی ہے ، پاکستان کرکٹ بورڈ (پی سی بی) حکام کل صبح 5 بجے اسلام آباد ائیر پورٹ پر آسٹریلوی ٹیم کا استقبال کریں گے۔

آسٹریلوی ٹیم ہوٹل میں دو روز تک بائیو سکیور ببل میں رہے گی جس کے بعد کھلاڑیوں کے کورونا ٹیسٹ کیے جائیں گے، ٹیسٹ منفی آنے پر آسٹریلوی کھلاڑیوں کو پریکٹس کی اجازت ہوگی۔

آسٹریلوی ٹیم کی آمد پر سکیورٹی کے سخت انتطامات کیے گئے ہیں، دورے کے دوران اسٹیڈیم اور ٹیموں کے روٹ پر فوج اور رینجرز اہلکار تعینات ہوں گے۔

خیال رہے کہ آسٹریلوی کرکٹ ٹیم تقریباً 24 برس بعد پاکستان کا دورہ کر رہی ہے اور دونوں ٹیموں کے درمیان تین ٹیسٹ، تین ون ڈے اور صرف ایک ٹی ٹوئنٹی میچ کھیلا جائے گا۔

پہلا ٹیسٹ 4 مارچ سے راولپنڈی میں شروع ہوگا، دوسرا ٹیسٹ کراچی جبکہ تیسرا ٹیسٹ لاہور میں ہوگا جبکہ تینوں ون ڈے میچز اور واحد ٹی ٹوئنٹی راولپنڈی میں کھیلے جائیں گے۔