گورنر پنجاب چوہدری محمد سرور نے کہا ہے کہ عالمی برداری کو بھارتی ظلم کا نوٹس لینا چاہیے۔

چوہدری محمد سرور نے یوم یکجہتی کشمیر کے حوالے سے تقریب سے خطاب کرتے ہوئے کہا کہ کشمیریوں کی آزادی تک انکے ساتھ کھڑے رہیں گے۔

انہوں نے کہا کہ مودی نے گجرات میں بھی مسلمانوں کا قتل عام کیا، گزشتہ ڈھائی سال سے بھارت کا کشمیر میں ظلم مزید بڑھ گیا ہے۔

گورنر پنجاب کا کہنا ہے کہ عالمی برداری کو بھارتی ظلم کا نوٹس لینا چاہیے، پاکستانی عوام آج کشمیریوں سے اظہار یکجہتی دکھارہی ہے۔

چوہدری محمد سرور نے کہ کشمیری سلامتی کونسل کی قراردادوں کے مطابق حق مانگتے ہیں، کشمیر کی جدوجہد میں خواتین بھی کردار ادا کررہی ہیں۔

انہوں نے کہا کہ پوری دنیا جانتی ہیں کہ بہتر سالوں سے کشمیری بھائی اپنا حق مانگ رہے ہیں، بدقسمتی ہے کہ اب تک عالمی قرار دادوں پر عمل نہیں ہوا۔

گورنر پنجاب نے کہا کہ مودی جب گجرات میں وزیر اعلیٰ تھا تب بھی اس نے مسلمانوں کا قتل عام کیا، اب وہ وزیر اعظم بنا تو اب بھی یہی کام کر رہا ہے۔

انکا کہنا ہے کہ جب مودی گجرات کا وزیر اعلیٰ تھا تو پاکستانیوں نے برطانیہ میں احتجاج کیا کہ اس شخص کو برطانیہ میں داخلہ نہ دیا جائے، کشمیر میں جو ظلم ہو رہا ہے اس کی مثال دنیا میں نہیں ملتی۔

محمد سرور نے کہا کہ گزشتہ اڑھائی سالوں میں یہ ظلم بہت بڑھ چکا ہے، آرٹیکل تین سو ستر کو یکسر طور پر تبدیل کر دیا گیا، کشمیریوں کی جدوجہد انکی آزادی تک جاری رہے گی۔

انہوں نے مزید کہا کہ قائد اعظم نے فرمایا تھا کہ کشمیر پاکستان کی شہہ رگ ہے، ہم کشمیریوں کے شانہ بشانہ کھڑے ہیں اور انکی جیت تک ساتھ لھڑے رہیں گے، عمران خان نے کہا تھا کہ میں پاکستان کا سفیر بنوں گا۔