فواد چوہدری نے پیکا قانون کی مکمل حمایت میں بیان جاری کر دیا۔

وفاقی وزیر اطلاعات ونشریات فواد چوہدری نے سوشل میڈیا پر جاری اپنی ٹوئٹ میں کہاکہ پیکا قانون کی مکمل حمایت کرتا ہوں سوشل میڈیا پر لوگوں کی عزتوں سے کھلواڑ کیا جا رہا ہے۔

ان کا کہنا ہے کہ قانون کو بہترکرلیں لیکن یہ کہنا کہ کوئی قانون نہ ہو یا ایسا قانون ہو جو نافذ ہی نہ ہو سکےبالکل بےتکی بات ہے۔

PECA قانون کی مکمل حمائیت کرتا ہوں سوشل میڈیا پر لوگوں کی عزتوں سے کھلواڑ کیا جا رہا ہے قانون کو بہترکرلیں لیکن یہ کہنا کہ کوئ قانون نہ ہو یاایسا قانون ہو جو نافذ ہی نہ ہو سکےبالکل بےتکی بات ہے یہ سیاسی نہیں سماجی معاملہ ہےاور سیاسی جماعتوں کو میڈیا اصلاحات کیلئےاکٹھا ہونا چاہئیے

Advertisement

— Ch Fawad Hussain (@fawadchaudhry) February 25, 2022

وفاقی وزیر فواد چوہدری نے اس حوالے سے مزید کہاکہ یہ سیاسی نہیں سماجی معاملہ ہے اور سیاسی جماعتوں کو میڈیا اصلاحات کیلئےاکٹھا ہونا چاہئیے۔

یہ بھی پڑھیں: تحریک عدم اعتماد عوام کی خواہش پر لا رہے ہیں، شہباز شریف

مریم اورنگزیب کا پیکا سمیت تمام کالے قوانین کیخلاف جنگ جاری رکھنے کا اعلان

پاکستان مسلم لیگ (ن) کی ترجمان مریم اورنگزیب نے پیکا سمیت تمام کالے قوانین کے خلاف ہر فورم پر جنگ جاری رکھنے کا اعلان کیا ہے۔

مریم اورنگزیب نے اپنے جاری کردہ بیان میں کہا ہے کہ سیاہ حکومت سیاہ قوانین سے عدم اعتماد سے بچ نہیں سکتی، کالے قوانین بھی کالی حکومت کے ساتھ رخصت کریں گے۔

انہوں نے کہا کہ عمران صاحب کے جانے سے ہی پارلیمنٹ کے دروازے پر لگا تالا کھلے گا، عمران صاحب کے خوف ہے کہ پارلیمنٹ کی کرسیاں الٹا دیں، قالین اکھاڑ دیئے، ان شاءاللہ تمام کالے قوانین کو بھی اسی طرح اکھاڑ کر پھینکیں گے۔

ن لیگ کی ترجمان کا کہنا ہے کہ عمران صاحب جتنی مرضی کرسیاں الٹائیں، قالین اکھاڑیں، کالے قانون جاری کریں، آپ کی کرسی الٹنے سے نہیں بچ سکتی۔

یہ بھی پڑھیں: پیوٹن یوکرین کی حکومت کا تختہ الٹنے کی کوشش کریں گے، امریکی وزیر خارجہ

یہ بھی پڑھیں: روس کا یوکرین پر حملوں کا سلسلہ جاری، 137 ہلاکتوں کی تصدیق