بالی ووڈ اداکارہ گوہر خان کا اداکار فرحان اختر  کے حوالے سے اہم انکشاف سامنے آگیا۔

حال ہی میں شیبانی ڈانڈیکر سے شادی کرنے والے فرحان اختر کے حوالے سے اداکارہ نے انکشاف کیا کہ وہ بھی اداکار کو پسند کرتی تھیں۔

گوہر خان نے 19 فروری کو شادی کے بندھن میں بندھنے والے نئے شادی شدہ جوڑے کے بارے میں بات کرتے ہوئے کہ جب مجھے ان کے ایک ساتھ ہونے کے بارے میں معلوم ہوا تو میں بہت خوش ہوئی کیونکہ یہ جوڑا ساتھ بہت اچھا لگتا ہے۔

انہوں نے بتایا کہ 2015 میں فرحان اختر جب ایک شو کی میزبانی کر رہے تھے تو اس وقت انہیں پورے بھارت میں ہی پسند کیا جارہا تھا ایسے میں میں بھی ان کی محبت میں گرفتار ہوگئی تھی۔

تاہم اداکارہ نے اعتراف کیا کہ وہ فرحان سے رابطے میں نہیں ہیں۔

انہوں نے کہا کہ میں نےشیبانی سے  فرحان اختر کی شادی کے بعد اُن کے انسٹاگرام پر ایک میسج کیا ہے اور اپنی نیک خواہشات کا اظہار بھی کیا ہے۔

علاوہ ازیں اداکارہ نے یہ کہا کہ میں شیبانی کو جانتی ہوں، اور ہم مختلف موضوعات پر گفتگو بھی کرتے ہیں۔

اداکارہ نے مزید کہا کہ فرحان واحد اداکار ہیں جن کی وہ انڈسٹری میں واقعی تعریف کرتی ہیں کیونکہ انہیں فرحان کی اداکاری اور ہدایت کاری کی صلاحیتیں پسند ہیں۔