ایڈمنسٹریٹر کے ایم سی سندھ حکومت کے ترجمان و مشیر قانون سندھ بیرسٹر مرتضی وہاب کا کہنا ہے کہ شہر کی بہتری کے لئے مثبت نیت اور سوچ کا ہونا ضروری ہے۔
تفصیلات کے مطابق ایڈمنسٹریٹر کے ایم سی سندھ حکومت کے ترجمان و مشیر قانون سندھ بیرسٹر مرتضی وہاب کی کراچی پریس کلب آمد ہوئی ہے۔
پریس کلب کے عہدیداران نے بیرسٹر مرتضی وہاب کا استقبال کیا اور ایڈمنسٹریٹر کراچی بیرسٹر مرتضی وہاب نے پریس کلب میں پھولوں کی نمائش کا افتتاح کیا۔
پھولوں کی نمائش کا انعقاد کے ایم سی اور پریس کلب کے اشتراک سے کیا گیا ہے، اس موقع پر بات کرتے ہوئے کہا کہ پریس کلب کی جانب سے پھولوں کی نمائش کا انعقاد خوش آئند ہے۔
بیرسٹر مرتضی وہاب نے کہا کہ شہر میں پارکس اور باغات کو بحال کررہے ہیں، کئی برسوں سے بند پڑے پارکس کو ہم نے بحال کیا ہے۔
Advertisement
بیرسٹر مرتضی وہاب نے کہا کہ شہر کی بہتری کے لئے مثبت نیت اور سوچ کا ہونا ضروری ہے، کراچی کا اصل مقام بحال کرنے کے لئے کام کررہے ہیں۔
واضح رہے کہ افتتاح کے موقع پر صدر کراچی پریس کلب فاضل جمیلی، سیکریٹری محمد رضوان بھٹی اور اراکینِ مجلسِ عاملہ بھی موجود تھے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
