فرخ حبیب کا کہنا ہےکہ آج ن لیگ واپس “مجھے کیوں نکالا”کی پوزیشن پر آکھڑی ہوئی ہے۔

وزیر مملکت اطلاعات و نشریات فرخ حبیب نے ترجمان مسلم لیگ ن مریم اورنگزیب کے بیان پر ردعمل دیتے ہوئے کہاکہ وزیراعظم عمران خان کی قیادت میں پی ٹی آئی حکومت اداروں کی مضبوطی پر یقین رکھتی ہے۔

 وزیر مملکت نے کہاکہ عمران خان ہر گز نواز شریف کی طرح نہیں ہیں،ان کا ماضی بھی گواہ ہے کہ ان کے خلاف فیصلہ آئے تو سپریم کورٹ پر حملے کرتے رہے،یہ ہی ہیں وہ جوجسٹس (ر) قیوم جیسے ججز سے مرضی کے فیصلے لکھواتے رہے۔

فرخ حبیب نے کہاکہ حکومت میں ہوتو سب اچھا ہوتا ہے، اپوزیشن میں ہوتو ہر معاملے میں اداروں کو سیاست میں گھسیٹنا ان کا وطیرہ ہے،ہمیں ادارے کو بدنام نہیں کرنا چاہیے جب ہم روزانہ کی بنیاد پر دہشت گردی کا مقابلہ کر رہے ہو۔

یہ بھی پڑھیں: ‘منی لانڈرنگ پاکستان جیسے ملکوں کا اہم ترین مسئلہ ہے’

ان کا کہنا تھا کہ ہمارے افسران اور جوان روزانہ قربانیاں دے رہے ہیں کل بھی ایک کیپٹن اور جوان شہید ہوئے۔

 وزیر مملکت نے کہاکہ ساڑھے تین سال سے ہم سنتے آ رہے ہیں کہ تحریک عدم اعتماد آرہی ہے، اب جب کہ ن لیگ کو عدم اعتماد ناکام ہوتی نظر آرہی ہے تو ان کا دماغی توازن کھو گیا ہے۔

پی ٹی آئی رہنما نے کہاکہ آج ن لیگ واپس “مجھے کیوں نکالا”کی پوزیشن پر آکھڑی ہوئی ہے، ن لیگ کو ہمیشہ اس وقت ٹیلی فون کالز کی یاد آتیں ہے جب وہ سیاسی طور پر بند گلی میں جاپہنچے ہیں، ن لیگ نے ہمیشہ قومی مفاد پر ذاتی مفاد کو ترجیح دی۔

 فرخ حبیب نے مزید کہاکہ لندن میں بیٹھ کر ملک دشمنوں سے ملاقاتیں ان کا وطیرہ رہا ہے،  بھگوڑے بن کر لندن بیٹھے ہوئے نواز شریف اداروں کے خلاف ہرزہ سرائی کرتے رہے ہیں۔

یہ بھی پڑھیں: نئے عالمی اسکینڈل نے دنیا کو ہلا دیا، 18ہزار سوئس اکاؤنٹس کا ڈیٹا لیک

 یہ بھی پڑھیں: حکومت کے بنائے ہوئے قوانین عمران اینڈ کمپنی کیخلاف ہی استعمال ہوں گے، مریم نواز