چوہدری شجاعت حسین کا کہنا ہےکہ صرف سیاسی ملاقاتوں میں ہی مصروف رہے توغریب عوام سیاستدانوں پر اعتبار کرنا چھوڑ دیں گے۔

مسلم لیگ ق کے قائد چوہدری  شجاعت حسین کا کہنا ہےکہ آج کل ملک کے اندر خاص طور پر لاہور میں سیاسی ماحول بنا ہوا ہے، ہر جماعت کے لیڈر مختلف باتیں کر رہے ہیں اور اپنی اپنی جماعتوں کے موقف بیان کر رہے ہیں۔

انہوں نے کہاکہ پی ڈی ایم کے سربراہ مولانا فضل الرحمن، آصف علی زرداری اور شہبازشریف ہمارے گھر ملاقات کیلئے آئے جس میں ہر قسم کے معاملات پر بات چیت ہوئی۔

یہ بھی پڑھیں: تحریک عدم اعتماد عوام کی خواہش پر لا رہے ہیں، شہباز شریف

مسلم لیگ ق کے قائد نے مرکزی سیاسی رہنماؤں کیساتھ ہونے والی ان ملاقاتوں کے بارے میں مزید بتایاکہ بیس بیس، پچیس پچیس سال پرانے واقعات یہاں تک کہ میاں نوازشریف کے متعلق بھی بڑی تفصیل کے ساتھ باتیں ہوئیں۔

انہوں نے کہاکہ ان ملاقاتوں میں بعض تجاویز بھی زیر غور آئیں جن کا اس موقع پر ذکر قبل از وقت ہو گا۔

چوہدری  شجاعت حسین نے کہا کہ اگر معاشی حالات درست نہ کیے اور بے روز گاری کا مسئلہ حل نہ کیا تو تمام سیاستدانوں کی سیاست ختم ہو جائے گی۔

انہوں نے کہا کہ جو لوگ ہماری خدمت کرتے ہیں ان کے مسائل کو بھی سننا چاہئے، معاشی حالات کو سب سے زیادہ اہمیت دی جانی چاہئے۔

یہ بھی پڑھیں: پیوٹن یوکرین کی حکومت کا تختہ الٹنے کی کوشش کریں گے، امریکی وزیر خارجہ

یہ بھی پڑھیں: روس کا یوکرین پر حملوں کا سلسلہ جاری، 137 ہلاکتوں کی تصدیق