فواد چوہدری نے کہا ہے کہ پاکستان میں میڈیا بہت آزاد ہے مگر فیک نیوز سے گریزکرنا چاہیے۔

وفاقی وزیر اطلاعات فواد چوہدری نے پشاور پریس کلب میں خطاب کرتے ہوئے کہا ہے کہ پاکستان میں میڈیا بہت آزاد ہے ، رپورٹنگ میں فیک نیوز سے گریز کرنا چاہیے۔

انہوں نے کہا کہ خیبرپختونخوا میں دہشت گردی کے واقعات سے صحافی  برادری بھی  متاثر ہوئی ، 40 فیصد فائدہ حاصل کرنے والے ادارے  تنخواہیں نہیں بڑھا رہے۔

فواد چوہدری نے کہا کہ 2006 تک پاکستان نے 6 ٹریلین  قرضہ لیا ، قرض اتارنے کے لیے سستے  قرضے لینے پڑتے ہیں ، 6 ٹریلین قرضے سے پاکستان کا سارا اسٹریکچر کھڑا ہوا۔

وفاقی وزیراطلاعات نے کہا ہے کہ صحافی کی ذمہ داری ہے کہ اصل حقائق پیش کرے ، پاکستان میں پریس بہت آزاد ہے ، پشاور پریس کلب واحد پریس کلب ہے جہاں خودکش حملہ ہوا۔

انہوں نے کہا کہ بہت ساری صحافتی تنظیمیں ہیں جن کو مالکان نے بنایا ، میڈیا انڈسٹری نے 40 فیصد منافع کمایا ، منافع بڑھنے کے باوجود صحافیوں کی تنخواہیں نہیں بڑھیں ، 1947 سے 2008 تک چھ ٹریلین جبکہ 2009 سے 2018 تک 23 ٹریلین کا قرضہ لیا۔

فواد چوہدری نے کہا کہ تحریک انصاف نے دو پارٹی پولیٹیکل سسٹم کا خاتمہ کیا ، ساڑھے تین برس میں زراعت کو کھڑا کیا، اب روئی کو اٹھا رہے ہیں ، دنیا میں کورونا سے مقابلہ کر کے پہلے اس وباء سے نکلنے والا ملک پاکستان ہے۔

   وفاقی وزیراطلاعات نے کہا ہے کہ کبھی ہم نے تصادم کی سیاست نہیں کی ، تمام ادارے حکومت کے ساتھ کھڑے ہیں ، حکومت کی پالیسیوں کی بدولت پاکستان استحکام کی طرف جا رہا ہے۔

انہوں نے کہا کہ ہر بندہ اپنے مفاد کی سیاست کرتا ہے ، آپ دیکھیں گے کہ تحریک انصاف میں آنے والوں کی لائنیں لگ جائیں گی ، فیصل واوڈا نااہلی کے خلاف دیگر آپشنز استعمال کریں گے۔