بھارت سے تعلق رکھنے والے مسلمان اسٹینڈ اپ کامیڈین منور فاروقی اور مسلسل تنازعات کا شکار بنی رہنے والی بولی وڈ اداکارہ کنگنا رناوت لاک اپ میں ایک ساتھ نظر آئیں گے۔

بی جے پی اور دیگر انتہا پسند ہندو تنظیموں کی آنکھوں میں کنکر کی طرح کھٹکنے والے منور فاروقی ایکتا کپور کے ریئلٹی شو “لاک اپ” میں بطور کنٹسٹنٹ شرکت کریں گے۔

منور نے شو میں شامل ہونے پر خوشی کا اظہار کیا ہے۔

ریئلٹی شو لاک اپ کا آغاز  27 فروری سے ہو رہا ہے، جس میں منور فاروقی کے نام کا اعلان کیا گیا ہے۔

چینل نے اپنے انسٹاگرام اکاؤنٹ سے پروگرام کا ٹریلر شیئر کرتے ہوئے بتایا کہ منور فاروقی بھی مقابلے میں حصہ لیں گے۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by ALTBalaji (@altbalaji)

یہ وہی منور فاروقی ہیں جن کے اکثر لطیفوں میں ہندوؤں کی مذہبی رسومات پر تنقید تو نہیں لیکن مزاح نگاری ضرور کی جاتی تھی۔

ہندو انتہا پسندوں نے کامیڈین منور فاروقی کو انڈسٹری چھوڑنے کا اعلان کرنے  پر مجبور کردیا تھا۔

ان سے قبل نشا راول کا نام بھی شو میں شامل کیا گیا جو کہ اس وقت لائم لائٹ میں آئیں، جب انہوں نے اپنے شوہر پر گھریلو تشدد کا الزام لگایا۔

اس پروگرام کی میزبانی کنگنا رناوت کریں گی جن پر منور فاروقی اپنی کامیڈی میں لطیفے سنا چکے ہیں۔