ایک جرمن فوٹوگرافر کو آسیب زدہ دکھنے والے کھلونوں سے بھری ایک جگہ ملی ہے جسے “گڑیوں کا جنگل” کا نام دیا گیا ہے۔

ان کھلونوں میں سے کچھ رو رہے ہیں، کچھ مسکرا رہے ہیں، لیکن سب یکساں طور پر انتہائی خوفناک نظر آتے ہی

میلی ویلٹ ڈیر فوٹوگرافی کا فیس بک پیج چلانے والے فوٹوگرافی کے شوقین کا دعویٰ ہے کہ انہیں اصل میں یہ سائٹ پانچ سال پہلے ملی تھی، لیکن سالوں بعد بھی اس جنگل کو کسی نے چھوا تک نہیں اور یہ ویسا کا ویسا ہی ہے۔

تصویروں کی اس سیریز کو پریشان کن تصویری وارننگ کے ساتھ آن لائن پوسٹ کیا گیا تھا، کیونکہ اس میں گڑیاوں کو درختوں سے بندھا، کیچڑ سے سنا، یا گلے سے لٹکا ہوا دکھایا گیا ہے۔

ان میں سے کچھ کو پھانسی دی گئی ہے اور ان کے چہرے کے تاثرات چیخنے والے ہیں، جبکہ کچھ کے سر قلم کئے گئے ہیں یا خوفناک جوکروں کی طرح پینٹ کیا گیا ہے۔

میلی کا کہنا ہے کہ “اصل میں اس جگہ کو ایک جیو کیشے کے طور پر ڈیزائن کیا گیا ہے، یہ جگہ پرانی جگہیں تلاش کرنے والوں اور فوٹوگرافروں میں بھی بہت مشہور ہے۔

یہ خوفناک جنگل بے شک ایسی جگہوں کے بہادر متلاشیوں کے میں مقبول ہوسکتی ہے، لیکن دیگر کو رات کے وقت اس جگہ کا دورہ کرنے سے بہت زیادہ ڈرا دیا گیا ہے۔

صارفین میں سے ایک کا کہنا ہے کہ میں رات کو یہاں جانے سے ڈروں گا۔

جبکہ ایک اور نے کہا کہ “ایک ہی وقت میں کتنا خوفناک اور خوبصورت ماحول ہے۔”

ایک اور سوشل میڈیا صارف نے لکھا کہ “مجھے لگتا ہے میں وہاں صرف روشنی میں ہی جاؤں گا اور وہ بھی اکیلا نہیں۔”

تو کیا آپ اس جنگل میں رات بسر کر پائیں گے؟