خواجہ اظہار الحسن نے کہا ہے کہ ایم کیو ایم پاکستان نے عدالتی جنگ جیت لی،دھرنوں کا رخ تبدیل کریں۔

ایم  کیو ایم پاکستان کے رہنما خواجہ اظہار الحسن نے پریس کانفرنس کرتے ہوئے کہا ہے کہ آپ کا کام قانون سازی کرنا ہے، مال بنانا نہیں ، وزراء نیب میں عدالتوں سے ضمانتوں پر ہیں۔

انہوں نے کہا کہ آپکے رہنما جیلوں میں ملک لوٹنے کے الزامات میں بند ہیں ، سندھ حکومت اختیارات دینا ہی نہیں چاہتی ، یوسی چیئرمین کونظام سے پیسے ملتے ہیں توکیا اعتراض ہے؟

خواجہ اظہار الحسن نے کہا ہے کہ سپریم کورٹ کی ہدایات پر فوری عمل کیا جائے ، وزیراعظم بھی اس فیصلے سے فائدہ اٹھائیں ، پاکستان کےعوام کو قانون سے فائدہ دیں ،  ابھی سپریم کورٹ میں مردم شماری کی پٹیشن پربھی فیصلہ آئیگا۔

ایم  کیو ایم پاکستان کے رہنما نے کہا کہ آئین میں 140اے شامل کرنا ایم کیوایم کا کریڈٹ ہے ، ہم نے قطار در قطار آپ کے پیچھے کیسز کی لائن لگا دی ، ہمیں انصاف دیر سے ملا،لیکن ملا اور ملے گا۔

انہوں نے کہا کہ سندھ کے لوگوں کے ساتھ ناانصافی ہورہی ہے ، تمام بورڈز کے اراکین استعفیٰ دیں اور گھر جائیں ، اراکین عدالتی فیصلے میں توہین کے مرتکب نہ ہوں ، جماعت اسلامی کے کارکنوں کے ساتھ دھوکا ہوگیا ، حافظ نعیم صاحب نے پوری جماعت اسلامی کو ماموں بنادیا۔

خواجہ اظہار الحسن نے کہا ہے کہ آپ کو پیپلز پارٹی کو تسلیم نہیں کرنا چاہیے تھا ، اب قوانین پر عمل کیلئے دھرنا دیں ، ایم کیو ایم پاکستان نے عدالتی جنگ جیت لی،دھرنوں کا رخ تبدیل کریں ، عدالتی فیصلے کے بعد صوبائی وزراء عوام سے معافی مانگیں۔