برازیل کے فٹ بالرز اپنی فیملی کے ہمراہ یوکرین کے دارالحکومت کیف میں محصور ہو گئے ہیں ، فٹ بالرز نے وڈیو کے ذریعے اپنے ملک سے انخلا کی اپیل کی ہے۔

سماجی رابطے کی ویب سائٹ پر فٹ بالرز کی اپیل کی وڈیو وائرل ہو چکی ہے ، جس میں فٹ بالرز اپنے فیملی کے ہمراہ اپنی حکومت سے انخلا کے لئے اپیل کر رہے ہیں۔

واضح رہے کہ گزشتہ روز روسی افواج کی جانب سے یوکرین پر فوجی حملے کے بعد متعدد غیر ملکی افراد بھی اپنے ملکوں کی جانب لوٹنا چاہتے ہیں، مگر فضائی بندش کے باعث غیر ملکیوں کو شدید مشکلات کا سامنا کرنا پڑ رہا ہے۔

Jogadores brasileiros do Shakhtar e do Dínamo estão reunidos com as famílias em um hotel de Kiev. Acabaram de gravar esse vídeo pedindo ajuda das autoridades brasileiras para deixar o país. pic.twitter.com/7ah1RuKGo2

Advertisement

— Arthur Quezada (@ArthurQuezada) February 24, 2022

برازیل کے فٹ بالرز اپنی فیملی کے ہمراہ یوکرین کے دارالحکومت کیف کی ایک ہوٹل میں قیام پذیر ہیں۔

واضح رہے کہ گزشتہ روز روسی افواج کے حملے کے بعد دارالحکومت کیف میں افراتفری کا ماحول ہے ، یوکرین کی سرحدیں مکمل طور پر بند ہیں اور متعدد شہروں میں نظام زندگی مفلوج ہو گیا ہے۔

برازیل کی حکومت کی جانب سے فٹ بالرز اور ان کی فیملی کے انخلا کے لئے کوئی بیان سامنے نہیں آیا ہے۔