مسلم لیگ (ن) کی نائب صدر مریم نواز کی اپنی ہی پارٹی کی خاتون ورکر کے ساتھ نامناسب رویے کی ویڈیو سوشل میڈیا پر وائرل ہوگئی۔

اسلام آباد ہائی کورٹ میں پیشی کے بعد سابق وزیراعظم نوازشریف کی صاحبزادی مریم نواز نے اپنے ساتھ چلنے والی (ن) لیگ کی خاتون کارکن کو نامناسب طریقے سے خود سے دور ہٹنے کو کہا اور یہ ویڈیو سوشل میڈیا پر وائرل ہوگئی۔

اس موقع پر مسلم لیگ (ن) کی نائب صدر کے ہمراہ پارٹی کے کئی اہم اور سینئر رہنما بھی ان کے ہمراہ موجود تھے جب کہ کارکنان کی بڑی تعداد بھی اپنے رہنماؤں کے استقبال کے لیے وہاں موجود تھی۔

مریم نواز ایون فیلڈ ریفرنس کیس کی سماعت کے بعد اپنے سیکیورٹی اسٹاف کے ہمراہ واپس آرہی تھیں کہ اس دوران ان کے گرد سیکیورٹی حصار میں لیگی خاتون ورکر داخل ہوگئیں اور آہستہ سے مریم نواز سے ٹکراگئیں جس پر انہوں نے ناراضگی اور غصے کا اظہار کرتے ہوئے انہیں دور ہٹنے کا کہا۔

Advertisement

Maryam nawaz chants "vote ko izat dou" but fails to respect her party workers. Poor lady!!

pic.twitter.com/ypGEefYHHn

— Sir Saith Abdullah (@SaithAbdullah99) February 17, 2022

بعد ازاں مریم نواز نے اپنی سیکیورٹی ٹیم کو خاتون ورکر کو اپنے قریب سے دور ہٹانے کا حکم دیا جس پر انہیں سوشل میڈیا پر شدید تنقید کا نشانہ بنایا جارہا ہے۔

سوشل میڈیا پر ایک صارف نے لکھا ’’ یہ حکمرانی اور غرور والا رویہ ان لوگوں کے اندر سے کبھی ختم نہیں ہوسکتا ، یہ لوگ غریب ورکر کے ساتھ چلنا بھی گوارا نہیں کرسکتے جب کہ جاہل ورکر ان کے لیے اپنی جان ہتھیلی پر لیے گھومتے ہیں‘‘۔

ایک صارف نے کہا ’’انہوں نے ووٹ کو عزت دینے کی بات کی ہے ، ووٹر کو عزت دینے کا تو کہا ہی نہیں ، تو ان کی عزت کیوں کریں‘‘