وزیراعلیٰ پنجاب سردار عثمان بزدار نے کہا ہے کہ ڈینگی کے مرض کو پنجاب میں پھیلنے سے بروقت روکنا ضروری ہے۔
وزیراعلیٰ عثمان بزدار سے صوبائی وزیر صحت ڈاکٹر یاسمین راشد کی ملاقات ہوئی جس میں یاسمین راشد نے وزیر اعلیٰ عثمان بزدار کو ڈینگی سے نمٹنے کے اقدامات سے آگاہ کیا۔
ملاقات میں صوبائی وزیر ڈاکٹر یاسمین راشد نے کورونا ویکسینیشن پر ہونے والی پیش رفت کے بارے میں بھی بریفنگ دی۔
عثمان بزدار نے ملاقات میں گفتگو کرتے ہوئے کہا کہ موسم کی تبدیلی کے ساتھ محکمہ صحت اور انتظامیہ ہمہ وقت چوکس رہیں اور ڈینگی سرویلنس کیلئے متعلقہ ٹیموں کو متحرک کیا جائے۔
انہوں نے کہا کہ محکموں کی ذمہ داری ہے کہ وہ وضع کردہ پلان پر عملدرآمد یقینی بنائیں اور ڈینگی سرویلنس پلان پر من وعن عملدرآمد یقینی بنایا جائے۔
Advertisement
وزیراعلیٰ عثمان بزدار نے کہا کہ اس ضمن میں کارکردگی کو روزانہ کی بنیاد پر مانیٹرنگ کیا جائے گا۔
وزیراعلیٰ پنجاب نے مزید کہا کہ ڈینگی سرویلنس میں غفلت کسی صورت قابل قبول نہیں، ڈینگی کے مرض کو پنجاب میں پھیلنے سے بروقت روکنا ضروری ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
