سندھ میں نوجوانوں کو پیپلزپارٹی کی ایما پر قتل کیا جارہا ہے، حلیم عادل شیخ

ویب ڈیسک

26th Mar, 2022. 11:31 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

سندھ میں نوجوانوں کو پیپلزپارٹی کی ایما پر قتل کیا جارہا ہے، حلیم عادل شیخ
مشترکہ پارلیمانی کمیٹی نے 27 ویں آئینی ترمیم متفقہ طور پر منظور کر لی، کل سینیٹ میں پیش ہو گی
کراچی میں ٹریفک کا نیا بحران، یونیورسٹی روڈ 51 دن کیلیے بند، شہری رُل گئے
جنرل ساحر شمشاد مرزا کا سعودی عرب کا سرکاری دورہ، کنگ عبدالعزیز میڈل آف آنر سے نوازا گیا

Now Reading:

سندھ میں نوجوانوں کو پیپلزپارٹی کی ایما پر قتل کیا جارہا ہے، حلیم عادل شیخ

اپوزیشن لیڈر سندھ اسمبلی حلیم عادل شیخ نے کہا ہے کہ سندھ میں نوجوانوں کو پیپلزپارٹی کی ایما پر قتل کیا جارہا ہے۔

تھر پارکر میں مٹھی پولیس اسٹیشن لاکپ میں نوجوان بھاگچند میگھواڑ کی لاش ملنے کے معاملے پر حلیم عادل شیخ نے مذمت کرتے ہوئے کہا کہ پارٹی رہنماء احتجاج میں شرکت کریں اور وکلاء ورثاء کی قانونی مدد کریں۔

حلیم عادل شیخ نے مقامی پارٹی رہنماؤں اور وکلاء کو ورثاء کی مدد کرنے کی ہدایت دی اور کہا کہ ورثاء کے مطابق پیپلزپارٹی لیڈیز ونگ کی صدر سمترا منجیانی اور پولیس نے ملکر نوجوان کو مارا ہے۔

انہوں نے کہا کہ ملوث پی پی رہنماؤں، پولیس اہلکاروں کو گرفتار کیا جائے، افسوسناک واقعہ ہے پولیس سفارش پر نوجوان اٹھاکر تھانے پر ماررہی ہے، انسانی حقوق کمیٹی کی ویجیلنس کمیٹی کی بااثر رکن کو مقدمے میں نامزد کیا جائے۔

حلیم عادل شیخ نے کہا کہ واقعے پر انسانی حقوق سیل اور بلاول ہاؤس کیس کو دبانے میں لگے ہوئے ہیں، پولیس مقدمہ درج کرنے کی بجائے روائتی غلامی میں مصروف ہے، سندھ میں نوجوانوں کو پیپلزپارٹی کی ایما پر قتل کیا جارہا ہے۔

انہوں نے مزید کہا کہ نوجوانوں اور صحافیوں کے قتل پر پرچی پہلوانوں کے ٹوئٹر اکاؤنٹ بھی خاموش ہیں، ایس ایس پی تھرپارکر ورثاء کو مطمئن کریں اور فوری مقدمے کا اندراج یقینی بنائیں، تحریک انصاف ورثاء کے ہمراہ ایس ایس پی آفس کے باہر دھرنا دے گی۔