دنیائے کرکٹ کے بہترین بلے بازوں کو خوابوں میں ڈرانے والے وسیم اکرم نے ٹوٹی ہوئی اسٹمپ کی تصاویر شیئر کرتے ہوئے مداحوں سے پوچھا ہے کہ کیا وہ بتا سکتے ہیں یہ کس نے توڑیں اور کس میچ میں توڑی گئیں؟

اپنے آفیشل ٹوئٹر اکاؤنٹ پر سوئنگ کے سلطان نے دو تصاویر شیئر کیں، ٹویٹ ہوئی اسٹپمس کی تصاویر کے ساتھ انہوں نے کیپشن میں لکھا کہ مجھے یہ ٹوٹی ہوئی کچھ اسٹمپس ملی ہیں   کیا آپ لوگ میری مدد کرسکتے ہیں یہ معلوم کرنے میں کہ یہ میچ کہاں کھیلے گئے اور کس کے خلاف کھیلے گئے؟

– Guys guess what I found, broken stumps. Help me in figuring out the matches these are from, cuz I have nooo idea… #Cricket #Pakistan pic.twitter.com/WyioF2V3TG

— Wasim Akram (@wasimakramlive) March 1, 2022

تاہم، انہوں نے ان  ٹوٹی ہوئی اسٹمپس کی تفصیلات خود ہی بتا دیں۔

وسیم اکرم نے بتایا کہ یہ تصاویر سنہ 2002 میں کینیا میں ہونے والے پی ایس او کپ کی ہیں، دوسری ٹوٹی ہوئی اسٹمپ جس پر بلیک ٹیم لگایا گیا ہے وہ بنگلہ دیش کے دارالحکومت ڈھاکہ میں کھیلے جانے والے دوسرے ٹیسٹ میچ کی ہے۔

کوکا کولا کے لیبل والی اسٹیمپ جس پر “اے جے” لکھا ہوا ہے وہ 1999 میں متحدہ عرب امارات کی ریاست شارجہ میں بھارت کے خلاف فائنل کی ہے۔

پییسی کے لیبل والی اسٹیمپ 2003 کے ورلڈ کپ کی ہے  جبکہ آخری اسٹمپ ایل جی فیسٹیول گیم کی ہے۔

Advertisement

You maybe on to something here . I think this is the one ☝️. Thanks https://t.co/LtlhkTX22G

— Wasim Akram (@wasimakramlive) March 1, 2022

وسیم اکرم کرکٹ کی دنیا کے واحد فاسٹ باؤلر ہیں جنہیں سلطان آف سوئنگ کا خطاب دیا گیا ہے۔

وسیم اکرم  لیٹ سوئنگ، ریورس سوئنگ اور عام سوئنگ  پر مکمل مہارت رکھنے والے واحد باؤلر تھے جو تیز گیند کے ساتھ سلو گیند میں بھی سوئنگ کرسکتے تھے۔

وسیم اکرم نے 1985 سے 2003 پر مشتمل اپنے انٹرنیشنل کرکٹ کیرئیر میں 460 انٹرنیشنل میچز کھیلے جس میں انہوں نے 915 وکٹیں اور 6615 رنز اسکور کیے۔