سائنسی ترقی کی بدولت فاصلے سمٹ گئے اورموبائل کی انقلابی ایجاد نے رابطوں کو سہل بنادیا ہے، لیکن موبائل اب محض رابطے کے لئے ہی نہیں بلکہ یہ ایک ایسی ڈیوائس بن چکا ہے جو روزمرہ کے معمولات زندگی کی  انجام دہی میں آپ کومدد بھی فراہم کرتا ہے۔

یوں تو دنیا بھر میں بہت سی معروف موبائل کمپنیاں ہیں لیکن ان میں چند ہی صارفین کا اعتماد حاصل کرنے میں کامیاب ہوئی ہیں ان ہی میں شیاؤمی اوراوپو بھی شامل ہے۔

ان دونوں کمپنیوں کی جانب سے اب تک اسمارٹ فون کے ضمن میں کئی شاہکارمتعارف کروائے جاچکے ہیں جو نت نئے اور بہترین فیچر کی بدولت صارفین کی پزیرائی حاصل کرنے میں کامیاب رہے ہیں۔

 چونکہ صارفین کا صرار اس بات پر ہوتا ہے کہ انہیں کم بجٹ میں بہترین فیچر سے لیس فون میسر آجائے تو اسی بات کو مد نظر رکھتے ہوئے شیاؤمی اور اوپو نے پاکستان میں دو مڈرینج اسمارٹ فون متعارف کردیئے ہیں۔

شیاؤمی نے پوکوایم 4 پرو4 جی جبکہ اپوکی جانب سے اوپو اے 96 پاکستان میں فروخت کے لئے پیش کر دیئے گئے ہیں۔

جہاں تک بات قیمت کی ہے وہ دونوں کی کافی حد تک ایک جیسی ہے تاہم فیچر کے لحاظ سے یہ ایک دوسرے بے حد مختلف ہیں۔

پوکوایم 4 پرو

شیاؤمی کے اس شاندار فون کا 5 جی ورژن گزشتہ برس متعارف کرایا گیا تھا تاہم اب 4 جی ماڈل پیش کیا جارہا ہے۔

اس میں پراسیسر کے ساتھ کچھ نئے فیچراورتبدیلیاں بھی عمل میں لائی گئی ہیں۔

جہاں تک اس فون کے ڈسپلے کا تعلق ہے تو اس میں  6.43 انچ کا امولیڈ ڈسپلے 90 ہرٹز ریفریش ریٹ کے ساتھ موجود ہے، واضح رہے شیاؤمی کے فون میں ایسا پہلی بار ہوا ہے جب ایم سیریز میں امولیڈ ڈسپلے پیش کیا گیا ہے۔

جبکہ اسکرین کے تحفظ کے لئے گوریلا گلاس 3 کو استعمال کیا گیا ہے۔

شیاؤمی کے اس حیرت انگیز فون پوکو ایم 4 پرو میں میڈیا ٹیک کا ہیلیو جی 96 پراسیسردیا گیا ہے جبکہ 6 اور 8 جی بی ریم اور 128 اور 256 جی بی اسٹوریج کے آپشن بھی موجود ہیں۔

اس فون کے اسٹوریج میں مائیکرو ایس ڈی سلاٹ بھی دستیاب ہے اور اس کے ساتھ ورچوئل ریم سے اضافی ریم پاور ڈیوائس کو مل سکے گی۔

صارفین کا سب سے پسندیدہ فیچر یعنی کیمرے کی جہاں تک بات ہے تو اس فون کے بیک پر 3 کیمروں کا سیٹ اپ دیا گیا ہے جس کا مین کیمرا 64 میگا پکسل کا ہے جس کے ساتھ 8 میگا پکسل الٹرا وائیڈ اور 2 میگا پکسل میکرو کیمرے بھی دستیاب ہیں جبکہ فرنٹ پر 16 میگا پکسل سیلفی کیمرا موجود ہے۔

اس فون میں دیرپا 5000 ایم اے ایچ بیٹری موجود ہے جس کے ساتھ 33 واٹ فاسٹ چارجنگ سپورٹ دستیاب ہے، جبکہ کمپنی کا اس ضمن میں کہنا ہے کہ مکمل چارج ہونے پر بیٹری عام استعمال پر 2 دن تک کام کرسکتی ہے۔

پاکستان میں یہ فون 44 ہزار999 روپے سے زائد میں فروخت کے لئے دستیاب ہے۔

اوپو اے 96

اوپو نے ہمیشہ کی طرح اپنی روایت کو برقرار رکھتے ہوئے ایک مڈ رینج شاندار فون پیش کیا ہے، اوپو اے 96 میں 6.49 انچ کا آئی پی ایس ایل سی ڈی ڈسپلے 90 ہرٹزریفریش ریٹ سپورٹ کے ساتھ موجود ہے۔

جبکہ اسکرین میں 16 میگا پکسل کیمرا پنچ ہول ڈیزائن میں چھپا ہوا ہے۔

اوپو اے 96 کے اندر 5000 ایم اے ایچ بیٹری 33 واٹ فاسٹ چارجنگ سپورٹ کے ساتھ دی گئی ہے اور کمپنی کے مطابق 50 فیصد بیٹری صرف 26 منٹ میں چارج ہوسکتی ہے۔

اپو کے اس شاندار مڈ رینج فون میں جہاں تک کیمرے کا تعلق ہے تو اس کے بیک پر 50 میگا پکسل مین اور 2 میگا پکسل پورٹریٹ کیمروں پر مشتمل سیٹ اپ دیاگیا ہے۔

تاہم کمپنی کا کہنا ہے کہ اس فون کے فرنٹ اور بیک کیمرے نائٹ موڈ پر تصاویر کھینچ سکتے ہیں۔

اس حیرت انگیز فون کا سب سے اہم فیچراس فون کا  ڈسٹ اور واٹر ریزیزٹنٹ ہونا ہے جبکہ ڈوئل اسپیکرز اسٹیریو ساؤنڈ سپورٹ کے ساتھ دیئے گئے ہیں۔

اوپو اے 96 کے اندر اسنیپ ڈراگون 680 پراسیسر دیا گیا ہے جبکہ 8 جی بی ریم اور 128 جی بی اسٹوریج موجود ہوگی۔

پاکستان میں اینڈرائیڈ 11 آپریٹنگ سسٹم والا یہ فون اس وقت پری آرڈر میں دستیاب ہے جس کی قیمت 41 ہزار 999 روپے رکھی گئی ہے۔