روس کے صدر ولادیمیر پیوٹن نے ایک نئے بل پر دستخط کر دیئے ہیں جس کے مطابق جنگ کی جھوٹی خبریں چلانے والے کو جیل جانا ہو گا۔

روس کے صدر ولادیمیر پیوٹن نے جمعے کے روز ایک نئے قانون پر دستخط کیے جس میں روسی فوج کے بارے میں جعلی خبروں کے لیے 15 سال تک قید کی سزا متعارف کرائی گئی ہے۔

اسی تناظر میں ماسکو یوکرین پر اپنے حملے کو آگے بھی بڑھا رہا ہے۔

جمعہ کو قانون سازوں کے ذریعہ اپنایا جانے والا بل، فوج کے بارے میں “جان بوجھ کر غلط معلومات” شائع کرنے والے لوگوں کے خلاف جیل کی مختلف مدت اور جرمانے کی شرائط طے کرتا ہے۔

بل میں یہ بھی کہا گیا ہے کہ روسی فوج کے خلاف کسی خبر کی تشہیر کے سنگین نتائج برآمد ہوتے ہیں تو اس خبر کے مالک کو سخت سزائیں دی جائیں گی۔

واضح رہے کہ یہ فیصلہ گزشتہ روز ایک نیوز چینل کی جانب سے جنگ کے خلاف اپنی نشریات بند کرنے کے بعد آیا۔

پیوٹن نے ایک بل پر بھی دستخط کیے جس کے تحت روس کے خلاف پابندیاں لگانے کے لیے تین سال تک جرمانے یا جیل کی سزا کی اجازت دی جائے گی. اور ماسکو کو مغربی دارالحکومتوں کی جانب سے حملے پر سخت اقتصادی سزاؤں کا سامنا ہے۔

پچھلے سال روس میں آزاد اور تنقیدی آوازوں کے خلاف ایک بے مثال کریک ڈاؤن دیکھا گیا ہے جو حملے کے آغاز کے بعد ہی شدت اختیار کر گیا تھا۔