میری نظر میں عدم اعتماد کی تحریک کامیاب نہیں ہوگی، شاہ محمود قریشی

ویب ڈیسک

08th Mar, 2022. 03:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

میری نظر میں عدم اعتماد کی تحریک کامیاب نہیں ہوگی، شاہ محمود قریشی

شاہ محمود قریشی نے کہا ہے کہ میری نظر میں عدم اعتماد کی تحریک کامیاب نہیں ہوگی۔

وزیر خارجہ شاہ محمود قریشی نے بول نیوز سے خصوصی گفتگو کرتے ہوئے کہا ہے کہ تحریک عدم اعتماد کی قرارداد جمع کرانا اپوزیشن کا آئینی حق ہے۔

انہوں نے کہا کہ عدم اعتماد کا آئینی طریقے سے مقابلہ کریں گے، جہانگیر ترین جن حالات سے گزرے ہیں اسکا اندازہ ہے، اپوزیشن کے پیچھےجو محرکات ہیں اس سے وزیر اعظم کو آگاہ کیا ہے۔

شاہ محمود قریشی نے کہا کہ اپوزیشن کی تحریک سے متعلق میری کچھ معلومات ہیں، معلومات سے متعلق عوام کو جلد آگاہ کروں گا، میری نظر میں عدم اعتماد کی تحریک کامیاب نہیں ہوگی۔

واضح رہے کہ اپوزیشن نے وزیر اعظم کے خلاف تحریک عدم اعتماد اور قومی اسمبلی کا اجلاس بلانے کی ریکوزیشن جمع کرادی ہے۔

اپوزیشن نے وزیر اعظم کے خلاف تحریک عدم اعتماد قومی اسمبلی کے اسپیکر کے دفتر میں جمع کرادی ہے۔

تحریکِ عدم اعتماد پر مسلم لیگ (ن)، پیپلز پارٹی، اے این پی اور جے یو آئی (ف) کے 86 اراکین کے دستخط ہیں۔