مقبوضہ کشمیر سے 90 کی دہائی میں کشمیری پنڈتوں کو بھگانے کی کہانی پر مبنی پروپیگنڈا فلم “دی کشمیر فائلز” نے بھارت میں ہلچل مچا دی ہے۔

وویک اگنی ہوتری کی یہ فلم 11 مارچ کو جب سے ریلیز ہوئی ہے، اسے انتہا پسند ہندووں کی جانب سے بے پناہ محبت اور تعریفیں مل رہی ہیں۔

تاہم، فلم کی کہانی نے ایک بحث چھیڑ دی ہے، اور کچھ ناظرین اس کے بنانے والوں پر مبینہ طور پر لوگوں کے درمیان “پروپیگنڈا” پیغامات پھیلانے اور ایک مخصوص کمیونٹی کو نشانہ بنانے کا الزام لگا رہے ہیں۔

اب اس تمام معاملے کے درمیان تلنگانہ کے عادل آباد ضلع کے ایک تھیٹر میں فلم کی نمائش کے دوران ایک چونکا دینے والا واقعہ پیش آیا ہے۔

جہاں دو حقیقت پسندوں نے مبینہ طور پر تھیٹر میں “دی کشمیر فائلز” دیکھتے ہوئے پاکستان کے حق میں نعرے لگائے۔

اس واقعے کا ایک ویڈیو اب سوشل میڈیا پر بھی وائرل ہو رہا ہے، وائرل ویڈیو میں آڈیٹوریم میں موجود ناظرین کو گرما گرم بحث کرتے ہوئے دیکھا جا سکتا ہے جب کہ پس منظر میں فلم دی کشمیر فائلز چل رہی ہے۔

پھر انہیں میں سے ایک دوسرے شخص کو مارنا شروع کر دیتا ہے۔

اگرچہ وائرل ہونے والی ویڈیو کی آڈیو واضح نہیں ہے، تاہم رپورٹس بتاتی ہیں کہ یہ واقعہ اس وقت پیش آیا جب فلم دیکھتے ہوئے دو افراد نے “پاکستان زندہ باد” کے نعرے لگانا شروع کردیے۔