نومی اوساکا نے میامی اوپن ٹینس کے فائنل فور میں جگہ بنا لی

ویب ڈیسک

31st Mar, 2022. 12:51 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نومی اوساکا نے میامی اوپن ٹینس کے فائنل فور میں جگہ بنا لی

سابق عالمی نمبر ایک نومی اوساکا نے امریکی کھلاڑی ڈینئیل کولنزکواسٹریٹ سیٹ میں شکست دے کر میامی اوپن کے سیمی فائنل میں پہنچ گئیں۔

جاپان سے تعلق رکھنے والی اور 4 مرتبہ کی گرینڈ سلم فاتح نومی اوساکا نے کوارٹر فائنل میں 2-6 ، اور 1-6 سے سیٹ جیتا اور اس جیت کو حاصل کرنے میں صرف ایک گھنٹہ ہی صرف ہوا۔

آسٹریلین اوپن کی فائنلسٹ کولنز کی میامی اوپن میں شرکت گردن کی انجری کے ساتھ ہوئی تھی، پورے میچ کے دوران وہ گردن کی تکلیف کی وجہ سے کافی پریشان بھی رہی۔

نومی اوساکا کا میامی اوپن ٹینس ایونٹ کے سیمی فائنل میں سوئزرلینڈ کی بیلنڈا بینکک سے ٹاکرا ہو گا۔

اولمپک چمپئین بیلنڈا بینکک نے کوارٹر فائنل میں آسٹریلیا کی ڈیریا سویلی کو شکست دے کر سیمی فائنل کے لئے کوالیفائی کیا۔

نومی اوساکا نے گزشتہ ستمبر میں عالمی ٹینس سے کچھ عرصے کے لئے وقفہ لے لیا تھا، جس کی وجہ سے ان کی عالمی ٹینس کی درجہ بندی میں کافی نیچے 77 ویں پوزیشن آنا پڑا۔

نومی اوساکا نے میچ میں کامیابی کے بعد کہا کہ برقی قمقموں میں یہ ان کا پہلا میچ ہے مگر سب کچھ ٹھیک ٹھاک ہے، اور سیمی فائنل کے لئے تیاری جاری ہے۔