جدید ٹیکنالوجی نے جہاں زندگی میں آسانیاں پیدا کی ہیں وہی اس کے ساتھ ہی کئی مسائل بھی جنم لینے لگے ہیں ان میں سب بڑامسئلہ پلاسٹک سے بننے والے گیجٹس کا ہے اور دوسرا ان گیجٹس کی تیاری کے نتیجے میں خارج ہونے والی مضر صحت گیس کا ہے۔

ایپل کی مصنوعات دنیا بھر میں اپنی ٹیکنالوجی اور معیار کی بنا پر سب سے زیادہ فروخت ہو تی ہیں۔

ایپل نے اکتوبر 2020 میں ایک ایسا قدم اٹھایا جس کا مقصد ماحول کے لئے مضر گیسوں میں کمی لانا تھا جبکہ دوسری طرف اسی نے کمپنی کو اربوں ڈالر کا فائدہ بھی پہنچایا۔

ایپل کی جانب سے آئی فون 12 سیریز کی تمام ڈیوائسز کے ساتھ چارجر اور ایئرفون یا ائیربڈز نہ دینے کا اعلان کیا گیا تھا اور جب یہ ڈیوائسز خریدی گئی تو ان کے ساتھ یہ موجود نہیں تھی۔

ایپل کا اس ضمن میں یہ کہنا تھا کہ اس اقدام کا بنیادی مقصد ماحول کو نقصان دہ گیسزسے تحفظ دینا تھا۔

ایپل کے اس اقدام سے ماحول پر کتنے مثبت اثرات مرتب ہوئے اس کا تجزیہ تو ماہرین ماحولیات ہی کر سکتے ہیں تاہم یہ کمپنی کے لئے زبردست کمائی کا ذریعہ ضرور ثابت ہوا۔

یہ دعویٰ ایک رپورٹ میں کیا گیا ہے جس کے مطابق امریکی کمپنی کو اربوڈالرز کا فائدہ حاصل ہوا ہے۔

 ایپل کی جانب سے ایئرفون اور چارجر ڈبے میں نہ دینے سے باکس کا حجم بھی چھوٹا ہوا جس کی وجہ سے کمپنی کے لئے ایک ہی وقت میں زیادہ تعداد میں آئی فون بھیجنا ممکن ہوگیا۔

واضح رہے کہ ایپل کے اس اقدام کی بنا پر سالانہ بنیادوں پر 20 لاکھ میٹرک ٹن کم کاربن ڈائی آکسائیڈ کا اخراج ہوا تاہم رپورٹ میں یہ دعویٰ کیا گیا ہے کہ اس قدم سے ایپل کو ساڑھے 6 ارب ڈالرز(11 کھرب پاکستانی روپے سے زائد) منافع حاصل ہوا۔

اگر دیکھا جائے تو جو لوگ چارجر یا یئرفون کو لینا چاہتے ہیں انہیں ایک چارجرپر 19 یا اس سے زیادہ کی رقم خرچ کرنی پڑتی ہے اور اتنی ہی رقم ایئرفون کے لئے بھی درکار ہوتی ہے۔

فون کے ساتھ ان ایسیسریز کی غیرموجودگی نے ایپل کے منافع میں غیر معمولی اضافی کیا اور اس کے حصص کی قیمت بھی بڑھ گئی۔

ایپل کے سی ای او ٹم کک کو اس پرتنوع قدم پر انعام میں کروڑوں ڈالرز بھی دیئے گئے۔

تاہم ان تمام باتوں کے قطع نظر تجزیہ کاروں کا کہنا تھا کہ ایپل کا یہ اقدام 5 جی کی جانب بڑھنا ایک بڑی وجہ ہوسکتا ہے اسی لئے ایپل  نے لاگت کم کرنے کے ذرائع پر توجہ دی جس کے لئے فونز کے ساتھ کم  ایسیسریز دی جارہی ہیں۔

ڈبو کا حجم کم کرنے سے کمپنی کو سفری اخراجات میں 40 فیصد کمی لانے میں مدد ملی اوراور اس طرح فون کی قیمت بھی کم رکھنا ممکن ہوا۔ حیرت انگیز طور یہ قدم ہر لحاظ سے ایپل کے لئے فائدہ مند ثابت ہوا۔