یوکرین کے ایک فوجی جوان نے جنگ زدہ ماحول میں فارسی زبان میں نظم سنا کر سب کو حیران کر دیا، ویڈیو وائرل۔

یوکرین اور روس کے درمیان جاری جنگ کے دوران کئی حیرت انگیز سامنے آرہی ہے، ایسی ہی ایک اور ویڈیو سوشل میڈیا پر گردش کر رہی ہے جس نے سب کو حیران کر دیا ہے۔

ویڈیو میں دیکھا جا سکتا ہے کہ جنگ زدہ ماحول میں ایک یوکرینی فوجی فارسی زبان میں نظم ُسنا رہا ہے، یوکرینی فوجی کو فارسی زبان میں نظم سناتا دیکھ کر سوشل میڈیا صارفین بھی حیران ہیں۔

یوکرینی فوجی برف سے ڈھکے کھلے میدان میں کھڑا ہے اور کیمرے کی طرف دیکھ کر فارسی زبان میں نظم سنا رہا ہے فوجی فارسی زبان میں نظم سُناتے ہوئے کہتا ہے کہ ”تم کیا سوچ رہے ہو؟ کون مانے گا تیری محبت نے میری روح کے جنگل کو جلا کر راکھ کر دیا۔“ فوجی جوان ایرانی صحافی سے بات چیت کر رہا تھا۔ صحافی نے اس سے فارسی میں نام اور شہر بھی پوچھا۔

Advertisement

Ukrainian soldier reciting Persian poetry in the battle field. The poem, addressed to a lover, asks who will tell you the news of my death?
"به چه می‌اندیشی، چه کسی باور کرد، جنگل جان مرا آتش عشق تو خاکستر کرد." pic.twitter.com/mhZSyliHFr

— Farnaz Fassihi (@farnazfassihi) March 1, 2022

سوشل میڈیا پر اس ویڈیو کو یوکرینی اور ایرانی صارفین کی جانب سے وائرل کیا جا رہا ہے جس پر صارفین بھرپور تبصرے بھی کر رہے ہیں، صارفین کا کہنا ہے کہ فوجی نے فارسی زبان میں نظم سنا کر یاد دہانی کرائی کہ ادب اور خاص طور پر شاعری میں لوگوں کو جوڑنے کی طاقت ہوتی ہے۔

واضح رہے کہ یہ ایک فارسی نظم ہے جو حامد مصدق نے ایک عاشق کو مخاطب کرتے ہوئے کہی ہے اور عنوان ہے کہ ”تمہیں میری موت کی خبر کون بتائے گا؟“