'عمران خان ایک سچے رہنما ہیں'

‘عمران خان ایک سچے رہنما ہیں’

ویب ڈیسک

17th Mar, 2022. 02:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

‘عمران خان ایک سچے رہنما ہیں’

وزیر توانائی پنجاب ڈاکٹر اختر ملک نے کہا ہے کہ عمران خان ایک سچے رہنما ہیں۔

تفصیلات کے مطابق وزیر توانائی پنجاب ڈاکٹر اختر ملک سے قائد اعظم تھرمل پاور کے بورڈ ممبر میاں وسیم اختر کی ملاقات ہوئی ہے۔

ملاقات میں قائد اعظم تھرمل پاور کی کارکردگی کو مزید بہتر بنانے پر تبادلہ خیال کیا گیا۔

ڈاکٹر اختر ملک نے موجودہ سیاسی صورتحال پر دلچسپ تبصرہ کرتے ہوئے کہا کہ اپوزیشن کا شور چائے کی پیالی میں طوفان ہے جو اپنی موت آپ مر جائے گا۔

ڈاکٹر اختر ملک نے کہا کہ انہیں قوم کی نہیں، لوٹے ہوئے پیسوں کی فکر ہے لیکن اب نہ انکے پیسے بچیں گے اور نہ سیاست۔

ڈاکٹر اختر ملک کا کہنا تھا کہ قوم کے سامنے انکے اصل عزائم اور چہرے بے نقاب ہوچکے ہیں۔

انہوں نے کہا کہ عمران خان ایک سچے رہنما ہیں اور جیت ہمیشہ سچائی کی ہوتی ہے، عمران خان نے قوم کا وقار بلند کیا ہے۔

ڈاکٹر اختر ملک نے کہا کہ پوری دنیا عمران خان کی عزت کرتی ہے، اسلاموفوبیا کے خلاف انکے موقف کو دنیا بھر میں پذیرائی ملی ہے۔

انہوں نے مزید کہا کہ کشمیر کی وکالت کا جو وعدہ کیا، عمران خان نے اسے پورا کیا، ان شاءاللہ کشمیر کو ہندو سے اور پاکستان کو کرپشن سے آزاد کرائیں گے۔