سب سے بڑے روسی بینک نے یورپ میں کام روک دیا، ماسکو اسٹاک ایکسچینج بھی بند

ویب ڈیسک

02nd Mar, 2022. 03:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سب سے بڑے روسی بینک نے یورپ میں کام روک دیا، ماسکو اسٹاک ایکسچینج بھی بند

روس کے سب سے بڑے بینک سبر بینک نے یورپی مارکیٹس کو خیرباد کہنے کا اعلان کیا ہے کیونکہ وہاں موجود اس کی ذیلی کمپنیوں اور شاخوں سے بڑی تعداد میں کیش نکالا جا رہا ہے۔

بینک کا کہنا ہے کہ وہ اپنی ذیلی یورپی شاخوں کو لیکوئیڈیٹی فراہم کرنے کی صلاحیت نہیں رکھتا تاہم اُن کے اثاثہ جات اور سرمائے کو ملا کر اُس کے پاس اپنے تمام تر صارفین کو مکمل ادائیگیوں کی صلاحیت موجود ہے۔

گزشتہ روز بینک کی یورپی شاخ کو یورپی مرکزی بینک کی جانب سے بند کرنے کا حکم جاری کیا گیا تھا کیونکہ انہیں رن آن ڈپوزٹس یعنی صارفین کی جانب سے کیش کے مطالبے کا سامنا ہو سکتا تھا۔

دوسری جانب روس کے مرکزی بینک کی جانب سے جاری ایک بیان میں کہا گیا ہے کہ ماسکو اسٹاک مارکیٹ آج بروز بدھ کو متواتر تیسرے روز بھی بند رہے گی تاہم مرکزی بینک نے آپریشنز کی ایک محدود رینج کی اجازت دینے کا فیصلہ کیا ہے۔

واضح رہے کہ یوکرائن پر روسی حملے کے بعد روس کی کرنسی روبل انتہائی کم سطح یعنی 40 فیصد تک گر چکی ہے اور بیرونِ ملک لسٹڈ روسی کمپنیوں کے حصص کی قیمت بھی تیزی سے نیچے آئی ہے۔