گورنر پنجاب چوہدری محمد سرور نے کہا ہے کہ پاکستان میں اقلیتوں کو مکمل حقوق حاصل ہیں۔
گورنر چوہدری محمد سرور نے ملتان نشتر میڈیکل یونیورسٹی کانووکشن سے خطاب کرتے ہوئے کہا کہ تمام پاس ہونے والے طلبہ کو مبارکباد پیش کرتا ہوں، آپ لوگوں کی کامیابی آپ کے والدین کی بدولت ہے۔
انہوں نے کہا کہ ڈاکٹرز اور نرسز نے کورونا کے مشکل وقت میں کام کیا، ہم نے ٹیلی میڈیسن کا کانسیپٹ دیا، ڈاکٹرز کو چاہیے وہ ہر مریض کو اپنا عزیز سمجھ کر علاج کرے۔
چوہدری سرور نے کہا کہ ہمیشہ خواب رہا لڑکے زیادہ گولڈ میڈل لیں لیکن اب تک وہ خواب پورا نہیں ہوا، ہماری لڑکیاں لڑکوں سے تعلیم کے میدان میں زیادہ آگے ہیں، لیکن بدقسمتی سے ہماری بچیاں پڑھنے کے بعد شادی کرکے گھر بیٹھ جاتی ہیں۔
گورنر پنجاب کا کہنا ہے کہ میرا تعلق ایک مڈل کلاس فیملی سے تھا، برطانیہ میں گیا بزنس کیا اور اللہ نے عزت دی، مجھے پاکستانی اور مسلمان ہونے پر فخر ہے۔
انہوں نے کہا کہ پاکستان میں اقلیتوں کو مکمل حقوق حاصل ہیں، پاکستان میں بھارت سے زیادہ انسانی حقوق کی پاسداری کی جاتی ہے۔
چوہدری محمد سرور نے مزید کہا کہ ہم نے دہشگردی کے خلاف کئی سال جنگ لڑی اور ہم نے دہشتگردی کی جنگ میں لاکھوں زندگیاں قربان کی ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News