وزیراعلیٰ پنجاب سردار عثمان بزدار نے کہا ہے کہ اپوزیشن کو کسی سطح پر بھی عوام کا اعتماد حاصل نہیں ہے۔
وزیراعلیٰ عثمان بزدار سے اراکین پنجاب اسمبلی سمیع اللہ چوہدری اور سید رضا بخاری کی ملاقات ہوئی جس میں سیاسی صورتحال اورجنوبی پنجاب میں جاری ترقیاتی اسکیموں کے حوالے سے تبادلہ خیال کیا گیا۔
تحریک انصاف جنوبی پنجاب کے رہنما اویس دریشک بھی اس موقع پر موجود تھے۔
عثمان بزدار نے کہا کہ اپوزیشن سیاسی افراتفری پیدا کرکے عوام کے روشن مستقبل سے کھیل رہی ہے، ترقی کے سفر کو روکنا اپوزیشن اولین ایجنڈا ہے۔
وزیراعلیٰ پنجاب کا کہنا ہے کہ عوام کی حمایت سے ایسے منفی ایجنڈے کو ہر صورت ناکام بنائیں گے، اپوزیشن کی جانب سے ذاتی ایجنڈے کوترجیح دینا خود غرضی کے مترادف ہے۔
Advertisement
انہوں نے کہا کہ وزیراعظم عمران خان نے قوم کو سر اٹھا کر جینا سکھا دیا، اپوزیشن جتنی مرضی منڈیاں لگا لے، شکست پھر مخالفین کا مقدر ہے۔
وزیراعلیٰ عثمان بزدار نے مزید کہا کہ اپوزیشن کو کسی سطح پر بھی عوام کا اعتماد حاصل نہیں، اپوزیشن کی ہر سازش کی طرح تحریک عدم اعتماد بھی ناکامی سے دوچار ہوگی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
