اسلام آباد ہائی کورٹ نے نور مقدم قتل کیس میں 9 ملزموں کی بریت کے خلاف اپیل پر ریکارڈ طلب کر لیا۔ 

تفصیلات کے مطابق مرکزی مجرم ظاہر جعفر نے بھی سزا کے خلاف اپیل دائر کردی ہے جبکہ نور مقدم کے والد شوکت مقدم کی جانب سےایڈووکیٹ شاہ خاورعدالت میں پیش ہوئے۔

اسلام آباد ہائی کورٹ کے جسٹس عامر فاروق اور جسٹس سردار اعجاز اسحاق نے کیس کی سماعت کی۔

دورانِ سماعت جسٹس عامر فاروق نے کہا کہ اس کیس میں مجرمان کی سزا کے خلاف بھی اپیلیں آئی ہیں۔ ریکارڈ منگواتے ہیں پھر ریکارڈ سے ہی آپ نے بتانا ہے۔

اسلام آباد ہائی کورٹ نے نور مقدم قتل کیس سے متعلق تمام اپیلوں کو یکجا کرنے کی ہدایت کر دی۔

ٹرائل کورٹ نے مجرم ظاہر جعفر کے والدین ذاکر جعفر ، عصمت آدم ، خانساماں جمیل سمیت نو ملزمان کو بری کیا تھا۔

تھراپی ورکس کے سی ای او طاہر ظہور سمیت چھ ملزمان بھی بری ہونے والوں میں شامل ہیں۔

یہ خبر بھی پڑھیں

نور مقدم قتل کیس میں 9 ملزمان کی بریت کے خلاف اسلام آباد ہائی کورٹ میں اپیل دائر کر دی گئی۔

مجرم ظاہر جعفر کے والدین ذاکر جعفر، عصمت آدم ، خانساماں جمیل کی بریت چیلنج جبکہ تھراپی ورکس کے سی ای او طاہر ظہور سمیت چھ ملزمان کی بریت کے خلاف بھی اپیل دائر کی گئی ہے۔

مذید پڑھیں