ایمازون نے بچوں کے معروف ترین کارٹون ٹام اینڈ جیری کے پروڈیوسر کو اربوں ڈالرز میں خرید لیا۔

غیر ملکی میڈیا رپورٹ کے مطابق  آن لائن شاپنگ کی بڑی کمپنی ایمازون مقبول ترین کارٹون ٹام اینڈ جیری اور پنک پینتھر کے پروڈیوسر میٹرو گولڈ وین مائر (ایم جی ایم) کو ساڑھے 8.45 ارب ڈالرز میں خرید لیا ہے۔

غیر ملکی میڈیا رپورٹ میں بتایا گیا ہے کہ ایمازون نے ایم جی ایم اسٹوڈیو اور اس کی گزشتہ 35 سال میں بنائی گئی 4 ہزار فلموں اور 7 ہزار سے زائد شوز کو ساڑھے 8 ارب ڈالر خرید رہا ہے جس میں مشہور فلمیں جیمز بانڈ اور دی ہیبٹ بھی شامل ہیں۔

ایمازون نے ویڈیو اسٹریمنگ سروس پرائم پر ناظرین کے لیے زیادہ سے زیادہ نیا تفریح مواد پیش کرنے کے لئے اربوں ڈالرز کی یہ خریداری کی ہے۔

خیال رہے کہ ایمازون کی جانب سے یہ اب تک کی دوسری بڑی خریداری ہے، سال 2017 میں ایمازون نے امریکا کا ایک ہول فوڈ گروسری اسٹور 14 ارب ڈالر میں خریدا تھا۔

ایمازون کی جانب سے ایم جی ایم اسٹوڈیوز کی اس خریداری کا مقصد نیٹ فلکس اور ڈزنی پلس کی بڑھتی ہوئی مقبولیت سے مقابلہ کرنا ہے تاہم کمپنی کی جانب سے اب تک یہ اعلان نہیں کیا گیا کہ ویڈیو اسٹریمنگ دیکھنے والو کی تعداد کتنی ہے لیکن ایک اندازے کے مطابق یہ تعداد 20 کروڑ ہوسکتی ہے۔

So excited to share that MGM is now part of Prime Video and Amazon Studioshttps://t.co/M3eR5C0kjJ

— MGM Studios (@mgmstudios) March 17, 2022

اس حوالے سے ایمازون نے کہا ہے کہ وہ ایم جی ایم کی وسیع لائبریری کا استعمال کرے گا، جس میں ہالی وُڈ کی مشہور فلمیں راکی، رابو کوپ، ٹام اینڈ جیری اور پنک پینتھر شامل ہیں۔

غیر ملکی میڈیا رپورٹس کے مطابق ایمازون کو ماضی میں بنائی گئی ان فلموں اور شوز کی مدد سے اپنے ناطرین کی دلچسپی کو مدِنظر رکھتے ہوئے دیگر نئی فلمیں بنانے میں بھی مدد مل سکے گی۔