روس نے یوکرین پر چڑھائی کی ہوئی ہے جس میں غیر مصدقہ اطلاعات کے مطابق اب تک ہزاروں جانیں جا چکی ہیں۔

جنگ کے بھیانک مناظر دنیا بھر میں لوگوں کا دل دہلا رہے ہیں۔

جہاں ایک طرف مغربی میڈیا روسی فوجیوں کی مبینہ بربریت کی خبریں مسلسل دے رہا ہے، وہیں ایک ویڈیو بھی وائرل ہورہی ہے جس میں روسی فوج کا جوان روتے ہوئے نظر آرہا ہے۔

رپورٹ کے مطابق مذکورہ روسی فوجی نے یوکرین میں سرینڈر کردیا تھا، جس کے بعد یوکرینی عوام نے اس کو کھانا کھلایا اور اس کی بات فون پر اس کی ماں سے کرائی۔ ماں سے بات کرتے ہوئے روسی فوجی رونے لگا۔

یہ ویڈیو امریکی میڈیا سروس وال اسٹریٹ جرنل سے وابستہ صحافی نے ٹویٹر پر شیئر کی۔

انہوں نے بتایا کہ یوکرین میں مقامی لوگوں نے ایک روسی فوجی کو پکڑ لیا ہے ، بھوکے فوجی کو لوگوں نے کھانا بھی دیا۔ ویڈیو میں اس کو کھاتے ہوئے دیکھا جاسکتا ہے۔

وائرل ویڈیو کے مطابق روسی فوجی کچھ کھا رہا ہے اور کوئی گرم چیز پی بھی رہا ہے۔

اس درمیان ویڈیو کال کے ذریعہ اس کی اس کے ماں سے بات کرائی گئی تو وہ پھوٹ پھوٹ کر رونے لگا۔

Video shared on Ukrainian channels of a captured Russian soldier apparently being fed by locals. The post says he burst into tears when he was allowed to video-call his mother. So many of these troops are just teenagers, with absolutely no clue what this war is really for. pic.twitter.com/oCPUC8cKcO

— Matthew Luxmoore (@mjluxmoore) March 2, 2022

اس نوجوان فوجی کے بارے میں زیادہ معلومات نہیں ملی سکی ہیں۔ نہ ہی اس بات کی تصدیق ہوئی ہے کہ یہ  ویڈیو کب اور کس مقام کی ہے۔

ویڈیو میں نوجوان روسی فوجی کے آس پاس کچھ شہری بھی کھڑے نظر آرہے ہیں جو ممکنہ طور پر مقامی یوکرینی شہری ہوسکتے ہیں اور ساتھ ہی کچھ فوجی بھی دکھائی دے رہے ہیں۔

اس پوسٹ میں بتایا گیا ہے کہ یوکرین میں داخل ہوئے کئی روسی فوجی، کم عمر کے نوجوان ہیں اور انہیں یہ نہیں معلوم کہ یہ جنگ کیوں اور کس کیلئے ہورہی ہے؟ اس کی وجہ کیا ہے؟ انہیں اس بارے میں کوئی معلومات نہیں ہیں۔