'فلم اُمیدوں پر پوری نہیں اُتری'، باہوبلی کے مداح نے خود کشی کر لی

‘فلم اُمیدوں پر پوری نہیں اُتری’، باہوبلی کے مداح نے خود کشی کر لی

ویب ڈیسک

15th Mar, 2022. 11:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

‘فلم اُمیدوں پر پوری نہیں اُتری’، باہوبلی کے مداح نے خود کشی کر لی

بھارتی مشہور فلم باہوبلی کا مرکزی کردار نبھانے والے ہیرو پربھاس کے مداح نے اداکار کی نئی فلم اُمیدوں پر پوری نہ اُترنے کی وجہ سے خود کشی کر لی۔

بھارتی میڈیا رپورٹس کے مطابق بھارت کی ریاست آندھرا پردیش کے ضلع کرنول کے علاقے تلک نگر میں ایک افسوس ناک واقعہ پیش آیا ہے جہاں بھارتی اداکار پربھاس کے ایک مداح نے اداکار کی نئی فلم کو اپنی امیدوں پر پورا نہ پا کر خودکشی کر لی۔

بھارتی میڈیا کے مطابق پرابھاس کے 24 سالہ روی تیجا نامی مداح ان کی نئی فلم ‘رادھے شیام’ کو دیکھ کر مایوس ہو گیا تھا اسے فلم سے متعلق منفی تجزیوں نے بھی کافی پریشان کیا جس کے بعد اس نے پنکھے سے لٹک کر خود کشی کر لی۔

بھارتی میڈیا کا کہنا ہے کہ خودکشی سے پہلے روی نے اپنی ماں کو بتایا تھا کہ رادھے شیام اس کی امیدوں پر پورا اترنے میں ناکام رہی جس کی وجہ سے اسے بہت دکھ ہوا ہے۔

واضح رہے کہ بھارتی پولیس حکام نے مقدمہ درج کر کے مزید تحقیقات شروع کر دی ہیں۔

خیال رہے کہ بھارتی مشہور ادااکر پرابھاس اور پوجا ہیج کی فلم رادھے شیام 11 مارچ کو ریلیز کی گئی تھی جس نے اب تک ڈیڑھ سو کروڑ کا بزنس کر لیا ہے تاہم کئی لوگ اس فلم پر منفی تجزیے بھی دے رہے ہیں۔