وزیر خزانہ شوکت ترین نے کہا ہے کہ کامیاب پاکستان پروگرام کے تحت کاشتکاروں کو ہر سال ساڑھے پانچ لاکھ روپے  بغیر سود کے دیں گے۔

وفاقی وزیر شوکت ترین نے لاہور میں  تقریب سے خطاب کرتے ہوئے کہا کہ  کامیاب پاکستان پروگرام شروع کرنے کا کریڈٹ عثمان دار کو جاتا ہے۔

انہوں نے کہا کہ کامیاب پاکستان پروگرام کے تحت کاشتکاروں کو ہر سال ساڑھے پانچ لاکھ روپے  بغیر سود کے دیں گے، اللہ کے فضل و کرم سے اکانومی بڑھ رہی ہے۔

شوکت ترین نے مزید کہا کہ ہم نے ٹریکل ڈاؤن اکانومی کی بجائے باٹم آف اپروچ کو آختیار کیا ہے، پاکستان کو ریاست مدینہ بنانے کے لیے فلاحی ریاست بنانا ضروری ہے۔

لاہور یونیورسٹی میں میڈیا سے گفتگو کرتے ہوئے وزیراعظم کے معاون خصوصی برائے یوتھ افیئر عثمان ڈار نے کہا کہ دلی خوشی ہے کہ کامیاب جوان پروگرام پنجاب میں خصوصی لاہور سے آغاز کر رہے ہیں۔

عثمان ڈار نے کہا کہ ابھی تک انتیس ارب روپے پنجاب میں تقسیم کیے جا چکے ہیں جبکہ ساڑھے پانچ ارب روپے لاہور کے جوانوں میں تقسیم کیے ہیں۔

انہوں نے کہا کہ یہ پروگرام  پچاس ہزار لوگوں کیلئے روزگار پیدا کر چکا ہے جبکہ چھتیس ہزار لوگوں کو پنجاب میں اور لاہور میں نو ہزار لوگ پروگرام سے مستفید ہو چکے ہیں۔

عثمان ڈار نے کہا کہ ایک لاکھ ساٹھ ہزار میں سے پینسٹھ ہزار اسکالر شپ پنجاب میں دی گئیں جبکہ نو ہزار سکارلرشپ لاہور کے نوجوانوں کو دی گئی ہیں۔

انہوں نے مزید کہا کہ کل گجرانوالہ میں ویٹ لفٹنگ پروگرام کا آغاز کر رہے ہیں جبکہ ریسلنگ پروگرام میں انعام بٹ امبیسڈر ہیں۔