یورپی پارلیمان ای یو نے سن 2025 تک گولڈن پاسپورٹ اسکیم کو ختم کرنے اور فوری طور پر سرمایہ کاری کے عوض امیر روسیوں کو پاسپورٹ اور ویزا نہ دینے کی فیصلہ کیا ہے۔ یہ فیصلہ روس کی جانب سے یوکرین پر حملہ کیے جانے کے ردِعمل میں سامنے آ رہا ہے۔

رپورٹ کے مطابق روس یوکرین کے مابین جاری تنازعہ کے بعد ترمیم کرتے ہوئے کہا گیا ہے کہ یورپی یونین فوری طور پر گولڈن پاسپورٹ کے حامل روسی شہریوں کو ویزا اور رہائشی پرمٹس فوری طور پر فروخت کرنا بند کیے جائیں۔ منظوری کے بعد یہ رپورٹ یورپی کمیشن بھیجی جائے گی جو کہ اسے باقاعدہ قانون کے طور پر تجویز کرے گا۔

گزشتہ ماہ برطانیہ نے امیر سرمایہ کاروں کے لیے گولڈن ویزوں کا اجراء ختم کر دیا تھا۔ اسے خدشہ تھا کہ اس سکیم کے ذریعے روس کی غیر قانونی رقم برطانیہ لائی جا رہی ہے۔

واضح رہے، سن 2011ء سے سن 2019ء تک گولڈن پاسپورٹس انڈسٹری کے تحت ای یو ممالک میں بیس ارب یورو کی سرمایہ کاری کی گئی تھی۔ یہ سکیم تاہم یورپی یونین میں غیر منظم انداز میں چلائی جا رہی ہے۔

یورپی یونین کے قانون سازوں نے اپنی رپورٹ میں کہا ہے کہ ایسی سکیموں کو ختم کرنے سے کئی ریاستوں کو اقتصادی نقصان اٹھانا پڑے گا لہذا وہ تجویز کر رہے ہیں کہ مرحلہ وار انداز میں گولڈن پاسپورٹ سکیم کو ختم کیا جائے اور سرمایہ کاری کے عوض یورپی یونین کی شہریت لینے والی درخواستوں کی زیادہ جانچ پڑتال کی جائے۔‍‍