احسن اقبال نے کہا ہے کہ سپریم کورٹ کی سماعت پرکوئی تبصرہ نہیں کریں گے۔

مسلم لیگ ن کے رہنما احسن اقبال نے پریس کانفرنس کرتے ہوئے کہا ہے کہ عمران خان ضمیرفروشی کےخلاف چیمپئن بن گئے، عمران خان دوہفتے قبل ن لیگ کے منحرف ارکان سے مل کرآئے۔

انہوں نے کہا کہ ن لیگ کے منحرف ارکان باضمیر، آپکے ارکان ضمیرفروش ہیں؟ ن لیگ کے ارکان کوتوڑ کر اپنے ساتھ ملایا گیا، عمران خان اپنی نااہلی چھپانے کیلئے مذہبی کارڈ کھیل رہے ہیں۔

احسن اقبال نے کہا کہ امربالمعروف بھارت کی خارجہ پالیسی کے قصیدے پڑھنے کا نہیں کہتا، بیرون ممالک کے تحائف کو بیچ کرپیسے اپنی جیب میں ڈالے گئے، عمران خان بیرون ممالک کے تحائف کی تفصیلات نہیں بتا رہے۔

مسلم لیگ ن کے رہنما نے کہا کہ عمران خان کی چوری پکڑی گئی، دوسروں کوچورکہہ رہے ہیں، فارن فنڈنگ کیس میں بہانے سے سزا سے بچنے کی کوشش ہورہی ہے، عمران نیازی کی نگرانی میں فارن فنڈنگ کا دھندا چل رہا تھا۔

انہوں نے کہا کہ ایمانداری کا درس دینےوالے نے خود کروڑوں کی کرپشن کی، عمران خان نے فارن فنڈنگ میں کروڑوں کی خردبرد کی، سپریم کورٹ کی سماعت پرکوئی تبصرہ نہیں کریں گے۔

احسن اقبال نے کہا کہ حکومت کامؤقف تسلیم کرلیں توآرٹیکل95کوآئین سے نکالنا پڑے گا، کوئی شخص وزیراعظم بننے کے بعد ڈکٹیٹربن جائے گا۔