پرتگال نے فیفا ورلڈ کپ قطر 2022 کے لئے کوالیفائی کر لیا

ویب ڈیسک

30th Mar, 2022. 05:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پرتگال نے فیفا ورلڈ کپ قطر 2022 کے لئے کوالیفائی کر لیا

پرتگال نے پلے آف فائنل میں شمالی مقدونیہ کو 2-0 سے شکست دے کر فیفا ورلڈ کپ قطر 2022 کے لئے کوالیفائی کر لیا ہے۔

پلے آف فائنل میں پرتگال کے برونو فرنینڈیز کے دو گول نے شمالی مقدونیہ کی عالمی ایونٹ کی جانب پیش قدمی کو روک دیا۔

برونو نے پہلے ہاف کے 32 ویں منٹ میں کرسچیانو رونالڈو کے خوبصورت پاس پر گول کو نیٹ میں پھینکا، جبکہ دوسرا گول دوسرے ہاف میں جوٹا کی مدد سے دوسرا گول کیا۔

برونو فرنینڈیز نے اپنے ملک کو یورو 2016 اور 2019 نیشنز لیگ تک پہنچایا اور اب وہ اپنے پہلے ورلڈ کپ کے تاج کو نشانہ بنا رہے ہیں۔

پرتگال نے مسلسل چھٹی مرتبہ ورلڈ کپ کے لئے کوالیفائی کرنے کا اعزاز حاصل کیا۔

پرتگالی فٹ بال ٹیم نے اس جیت کے بعد سکون کا سانس لیا ہو گا، کیونکہ ان کی ٹیم بھی سیمی فائنل میں ترکی کے ہاتھوں اپ سیٹ شکست سے بچ گئی تھی۔

واضح رہے کہ پلے آف فائنل میں پہنچنے والی شمالی مقدونیہ نے سیمی فائنل میں اٹلی کو اپ سیٹ شکست دے کر تہلکہ مچا دیا تھا۔

پرتگال کی قومی ٹیم میں شامل بیشتر کھلاڑیوں کے لئے یہ ورلڈ کپ کیرئیر کا آخری بڑا ایونٹ ہو سکتا ہے۔