وزیر خارجہ شاہ محمود قریشی نے کہا ہے کہ سندھ کےعوام پیپلزپارٹی سے تنگ آچکے ہیں۔
شاہ محمود قریشی نے کراچی میں پریس کانفرنس کرتے ہوئے کہا کہ سندھ میں اب پرانے نعروں میں کشش نہیں رہی، بلاول لکھی باتیں بول دیتا ہے،اچھا ہے انسان اسی طرح سیکھتا ہے۔
انہوں نے کہا کہ سندھ میں عوام سے رابطہ نہ کرنے کی غلطی تسلیم کرتے ہیں، سندھ میں عوام سے اسطرح رابطہ نہیں کیا جس طرح کرنا چاہیے تھا، سندھ کےعوام پیپلزپارٹی سے تنگ آچکے ہیں۔
شاہ محمود نے کہا کہ بلاول بھٹو کی پنجاب میں 5فیصدمقبولیت ہے، یہ وزیراعظم بنیں گے؟ بلاول بیٹا اسطرح نہیں ہوتا جس طرح آپ کررہے ہیں، وزیراعظم بننے کیلئے محنت کرنی ہوتی ہے۔
وزیر خارجہ کا کہنا ہے کہ ہماری نیت خراب ہے تو اپوزیشن اجلاس کیلئے ریکوزیشن جمع کرادے، اپوزیشن کے پاس عدم اعتماد کیلئے نمبرز نہیں، ن لیگ فوری انتخابات چاہتی ہے، پیپلزپارٹی نہیں چاہتی۔
شاہ محمود قریشی نے کہا کہ پیپلزپارٹی کا لانگ مارچ جس شہر سے گزرتا ہے اسےبند کرا دیا جاتا ہے، عوامی مارچ میں عوام کو مارچ سے دورکیوں رکھا گیا؟ پیپلزپارٹی سرکارکی بیساکھیوں پرسیاست کررہی ہے۔
انہوں نے مزید کہا کہ عمران خان نے ایک ہزار ارب روپے سندھ کو دیے اور بلاول کہتے ہیں انکی جیب میں تحریک عدم اعتماد ہے، تحریک عدم اعتماد ہے تو اسمبلی میں پیش کریں، ق لیگ کے جواب کے بعد اپوزیشن کے غبارے سے ہوا نکل گئی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News