اگر آپ ہر روز صبح اٹھ کر تھکاوٹ محسوس کرتے ہیں اور یہ کیفیت ناشتے اور ورزش کے بعد بھی برقرار رہتی ہے تو اس کا مطلب ہے کہ آپ کی قوت مدافعت کم ہورہی ہے۔

یہ انرجی ڈرنک بیماریوں اور جراثیم سے لڑنے کی طاقت عطا کرتی ہے ،اگر جسم میں خون کی کمی ہوگئی ہو اور سر کے بال بھی گر رہے ہوں تو آپ کو متوازن اور اینٹی اوکسیڈنٹس سے بھرپور غذا لینے کی ضرورت ہے کیونکہ آپ کے جسم میں اینٹی اوکسیڈنٹس کی کمی ہورہی ہے۔

اس انرجی ڈرنک کے استعمال سے چند روز میں آپ خود کو تندرست و توانا محسوس کریں گے۔

انرجی ڈرنک کے لئے آپ کو چاہئیے کہ ایک عدد چقندر، ایک عدد گاجر، چند پتے ہرا دھنیا، آدھا انار (جس کے دانے نکال لیں)، 7 سے 8 کڑی پتہ، پودینے کے چند پتے، ایک ٹکڑا ادرک اور آدھا لیموں لیں۔

اس کے بعد تمام اجزاء میں آدھا گلاس پانی شامل کریں اور بلینڈر میں ڈال کر اچھی طرح اسے بلینڈ کرلیں جب مشروب تیار ہوجائے تو چھان کر گلاس میں ڈال لیں اب اس میں حسب خواہش مٹھاس کے لئے چاہیں تو شہد ڈال لیں اور مزے سے یہ ذائقے دار مشروب پیئیں۔

اس انرجی ڈرنک کو صبح نہار منہ پیئیں تو چند روز میں تمام مسائل ختم ہوجائیں گے ،اس انرجی ڈرنک کی بدولت انسان کا میٹابولک سسٹم بہتر انداز میں کام کرنے لگتا ہے۔

اس ڈرنک کی وجہ سے جسم میں خون کی صفائی کا عمل بھی تیز ہوتا ہے، جس کا فائدہ یہ ہوتا ہے کہ خون سے زہریلے مادے الگ ہو جاتے ہیں۔

اس ڈرنک سے چہرے کی جلد صاف شفاف ہوجاتی ہے اور جلد کے بڑھاپے کا عمل بھی رُک جاتا ہے۔

اس کے علاوہ دل کی صحت کے لئے یہ انرجی ڈرنک بہت فائدے مند ہے کیونکہ اس میں موجود چقندر اور گاجر میں لیوٹن ، بیٹا کیروٹین ودیگر اجزاء موجود ہوتے ہیں جو دل کو صحت مند رکھتے ہیں ۔

اس ڈرنک میں زیادہ کیلوریز نہیں ہوتیں، اس لئے وزن نہیں بڑھتا اور بھرپور غذائیت کی وجہ سے انسان کا انرجی لیول بڑھتا ہے ، اسے پینے کے بعد پیٹ بھرا ہوا محسوس ہوتا ہے، اس لئے اسے پینے کے بعد بھوک زیادہ نہیں لگتی اور جو لوگ ڈائٹنگ کرنا چاہتے ہیں ان کے لئے یہ ڈرنک بہت اچھی ہے۔