پاکستان ویمن کرکٹ ٹیم کی کپتان بسمہ معروف نے آئی سی سی ورلڈ کپ میں ناقابل فراموش آؤٹ ہونے کے بعد اپنی مایوسی کا اظہار کیا ہے۔

تفصیلات کے مطابق پاکستان ویمن  ٹیم اپنے سات میچز میں صرف ایک فتح حاصل کر سکی او پوائنٹس ر ٹیبل میں سب سے نیچے رہی۔

 ویسٹ انڈیز کے خلاف فتح 2009 کے بعد مقابلے میں پاکستان کی پہلی جیت تھی۔

کپتان نے کہا کہ یقیناً ہم مایوس ہیں کیونکہ ہمیں اپنی توقعات کے مطابق نتائج نہیں ملے ہم نے دو قریبی میچز ہارے، اگر ہم وہ میچ جیت جاتے تو پوائنٹس ٹیبل پر ہماری پوزیشن مختلف ہوتی۔

Advertisement

Pakistan captain @maroof_bismah reviews the #CWC22 #BackOurGirls pic.twitter.com/d0gQrjf1n5

— Pakistan Cricket (@TheRealPCB) March 28, 2022

انہوں نے کہا کہ اس سے ہمیں بہت تکلیف ہوئی لیکن ہم نے بہت کچھ سیکھا، دوسروں کے مقابلے ہماری ٹیم کے درمیان فرق ذہنیت اور کھیل کی طرف نقطہ نظر ہے اور  ہمیں اس بات پر کام کرنے کی ضرورت ہے کہ ہم کھیل کو کس طرح دیکھتے ہیں۔

بسمہ نے کہا کہ کھلاڑی صرف چند اچھی پرفارمنس نکالنے میں کامیاب ہوئے ۔

ان کا کہنا تھا کہ اگر ہم ٹورنامنٹ کے مثبت پہلوؤں کو دیکھیں تو ہماری دو دو اچھی پرفارمنس ہے، سدرہ امین نے سنچری اسکور کی، ورلڈ کپ میں اس سے قبل کسی پاکستانی بلے باز نے سنچری نہیں بنائی، ندا ڈار نے چند میچوں میں شاندار کارکردگی کا مظاہرہ کیا، اور ویسٹ انڈیز کے خلاف میچ جیتا۔

انہوں نے ٹورنامنٹ کے دوران اپنی ٹیم کی مجموعی کارکردگی کے بارے میں اپنی رائے دی اور ان خامیوں پر توجہ مرکوز کی جن کو درست کرنے کی ضرورت ہے۔

بسمہ نے کہا کہ اگر ہم اپنی ورلڈ کپ کی کارکردگی کا جائزہ لیں تو ہمیں بہت سی چیزیں تبدیل کرنے کی ضرورت ہے، اور ہم وطن واپس آنے کے بعد ان پر کام کریں گے۔

قومی کپتان نے کہا کہ بالآخر ہم 13 سال بعد ورلڈ کپ میں ایک گیم جیتنے میں کامیاب ہوئے اور اپنی ہار کا سلسلہ توڑ دیا۔

انہوں نے کہا کہ ہمارے پاس چیمپئین شپ میں کچھ میچز ہونے والے ہیں جو ہماری ذہنی طاقت اور فیصلہ سازی کو بہتر بنانے میں مدد کریں گے،ہم آہستہ آہستہ بہتر ہوں گے کیونکہ ہم مزید گیمز کھیلیں گے۔