آج صبح روس نے حملے میں فاسفورس بم استعمال کئے، زیلنسکی کا دعویٰ

ویب ڈیسک

24th Mar, 2022. 07:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آج صبح روس نے حملے میں فاسفورس بم استعمال کئے، زیلنسکی کا دعویٰ

یوکرین کے صدر ولادیمیر زیلنسکی نے دعویٰ کیا ہے کہ آج صبح روس نے یوکرین پر فاسفورس بموں سے حملہ کیا ہے۔

یوکرین کے صدر نے کہا کہ بچے اور جوان دوبارہ موت کی وادی میں چلے گئے ہیں۔

زیلنسکی نے کہا روس ہر وہ اقدام کر رہا ہے جو عالمی سطح پر پابندی کے زمرے میں آتا ہے، جبکہ ہمیں بے یار و مددگار چھوڑ دیا گیا ہے۔

یوکرین کے صدر ولادیمیر زیلنسکی نے روس پر فاسفورس ہتھیاروں کی تعیناتی کا الزام بھی لگایا۔

صدر ولادیمیر زیلنسکی نے کہا کہ فاسفورس بم ایک پاؤڈر پھیلاتے ہیں جو آکسیجن کے رابطے میں آنے پر جلتا ہے اور شدید جلنے کا سبب بنتا ہے۔

زیلنسکی نے کہا کہ فاسفورس بم سے دوبارہ عام شہریوں کی ہلاکتیں ہو رہی ہیں، خاص طور پر معصوم بچے اور جوان دوبارہ جل کر مر رہے ہیں۔

زیلنسکی نے کہا کہ نیٹو روسی حملوں سے یوکرین میں ہونے والی ہلاکتوں کو روک سکتا ہے۔

زیلنسکی نے کہا کہ ہماری فوج بڑی بہادری کے ساتھ روسی جارحیت کا سامنا کر رہی ہے، اور یوکرینی عوام نے بھی روسی حملے کو قبول نہیں کیا اور وہ سیسہ پلائی دیوار کی طرح روسی ٹینکوں کے آگے کھڑے ہیں۔

واضح رہے کہ زیلنسکی کے دعوے پر ابھی تک روس کی جانب سے کوئی ردعمل سامنے نہیں آیا۔