صوبہ خیبرپختونخوا میں صحت کارڈ پر 10 لاکھ افراد کا علاج مکمل ہوگیا ہے۔

سماجی رابطے کی ویب سائٹ ٹوئٹر پر وزیر صحت تیمور سلیم جھگڑا نے صحت کارڈ سے متعلق ٹوئٹ کرتے ہوئے لکھا کہ صحت کارڈ پرخیبرپختونخوا کے دس لاکھ افراد کا علاج مکمل ہوگیا ہے۔

1,000,000+

پختونخوا کے ہیلتھ انشورنس پروگرام سے اب تک 10 لاکھ سے زیادہ مریض مستفید ہوچکے ہیں۔ 250,000 سے زائد مریض 20-2016 کے دوران مستفید ہوئے اور 750,000 سے زائد مریض (22-2021) جب اس پروگرام کو سو فیصد آبادی تک پھیلایا گیا۔ #KPSehatCardPlus pic.twitter.com/knJkgMgPMz

Advertisement

— Taimur Khan Jhagra (@Jhagra) March 21, 2022

 جاری کردہ ٹوئٹ میں تیمور جھگڑا لکھتے ہیں کہ 2016 سے 2020 تک ڈھائی لاکھ افراد صحت کارڈ سے مستفید ہوئے۔

تیمور جھگڑا نے لکھا کہ  22-2021 میں سات لاکھ پچاس ہزار افراد نے صحت کارڈ پلس کے زریعے طبی سہولیات حاصل کیں۔

انہوں نے مزید لکھا کہ صحت کارڈ پلس پختونخوا حکومت کا عوام کیلئے تحفہ ہے۔

صحت کارڈ پر کن بیماریوں کا علاج کیا جاتا ہے؟

صحت سہولت پروگرام کے تحت ایک خاندان کے تمام افراد کے لیے 10 لاکھ روپے سالانہ مقرر کیے گئے ہیں، تاہم اس کا طریقہ کار یہ ہے کہ گھر کے کسی ایک فرد پر یہ تمام رقم خرچ نہیں کی جاتی بلکہ اس میں خاندان کے ہر فرد کے لیے ایک حد مقرر کر دی گئی ہے۔

اس پروگرام کی دستیاب معلومات کے مطابق ترجیحی علاج میں بیماریوں کی فہرست یہ ہے  امراض قلب اور شریان، اتفاقیہ اور حادثاتی علاج، ثانوی سطح کی بیماریوں کی پیچیدگی کی صورت میں ریفرل، ذیابیطس کی پیچیدگیاں، گردے کی پیوندکاری، مصنوعی بازو یا ٹانگ، ہر قسم کا کینسر، گردے اور مثانے کی بیماریاں بشمول ڈائلیسس، چھاتی کے سرطان کی اسکریننگ اور نیورو سرجری۔