چونیاں میں ایک ہفتہ کے دوران 10 وارداتیں ہوچکی ہیں تین شہری ڈاکوؤں کے ہاتھوں ہلاک ہوئے جبکہ پولیس بری طرح ناکام ہوگئی ہے۔
تفصیلات کے مطابق چونیاں ہاؤسنگ سوسائٹی شہزادہ ماڈل سٹی میں 7 مسلح ڈاکووں نے واردات کی، ڈاکو شہری شیخ عطاء جیلانی کے گھر میں زبردستی گھس آئے۔
اہل خانہ کا کہنا ہے کہ ان کو یرغمال بنا کر تشدد کا نشانہ بھی بنایا گیا، ڈاکو کار میں آئے تھے، چار ڈاکو گھر میں داخل ہوئے جبکہ تین ڈاکو باہر کار میں موجود تھے۔
اہل خانہ کا کہنا تھا کہ تجوری سے آہنی راڈ کے ساتھ لاک توڑ کر 20 تولے طلائی زیورات، لاکھوں روپے نقدی، 2 عدد ایل سی ڈی، 1 عدد موٹر سائیکل لے کر فرار ہوگئے، ڈاکو گھر کے کپڑے کمبل اور سی سی ٹی وی کیمروں کا ریکارڈ بھی ساتھ لے گئے۔
پولیس سٹی چونیاں اور ڈی ایس پی، ایس پی انویسٹی گیشن قصور موقع پر پہنچ گئے کرائم سین یونٹ نے ضروری کارروائی کی، ڈی پی او قصور کی جانب سے ڈاکوؤں کی گرفتاری کے لیے اسپیشل ٹیم تشکیل دے دی گئی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
