آریان خان منشیات کیس کی متضاد رپورٹس منظر عام پر آگئیں

ویب ڈیسک

03rd Mar, 2022. 05:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آریان خان منشیات کیس کی متضاد رپورٹس منظر عام پر آگئیں

بولی وڈ کنگ شاہ رخ خان کے بیٹے آریان خان کے منشیات رکھنے اور استعمال کرنے کی وجہ سے گرفتاری کے مقدمے کی تحقیقات کے حوالے سے متضاد رپورٹس منظرِ عام پر آ گئی ہیں۔
بھارتی میڈیا کی کچھ رپورٹس میں دعویٰ کیا گیا ہے کہ آریان خان معاملے میں ملوث نہیں نہیں تھے تاہم بھارتی حکومتی ادارے کی جانب سے اس تاثر کی واضح تردید جاری کر دی گئی ہے۔
واضح رہے کہ یہ رپورٹس اس وقت سامنے آئیں ہیں جب شاہ رخ خان نے کئی سال بعد پھر سے فلم میں واپسی کرتے ہوئے نئی فلم ‘پٹھان’ کی ریلیز کی تاریخ کا اعلان کیا۔
اس حوالے سے پہلی رپورٹ ٹائمز آف انڈیا کی تھی جس میں کہا گیا کہ نارکوٹکس کنٹرول بیورو (این سی بی) کو مبینہ طور پر ایسے کوئی شواہد نہیں ملے جن سے ثابت ہوتا ہو کہ آریان خان کسی منشیات اسمگل کرنے والے بین الاقوامی سینڈیکٹ سے کسی قسم کا تعلق رکھتے ہیں۔
رپورٹ میں بتایا گیا ہے کہ گزشتہ سال اکتوبر میں ایک لگژری یاٹ میں مارے گئے چھاپے میں متعدد بے ضابطگیاں تھیں تاہم شواہد سے عندیہ ملتا ہے کہ ایسی کوئی ضرورت نہیں تھی کہ آریان خان کے فون کو لیا جاتا اور ان کی چیٹس کو چیک کیا جاتا کیونکہ ان کے پاس منشیات موجود ہی نہیں تھیں۔

البتہ دوسری جانب ایک اور رپورٹ میں این سی بی کے حوالے سے کہا گیا کہ آریان خان کے خلاف شواہد کی عدم دستیابی کی رپورٹس درست نہیں جبکہ این سی بی کے ڈپٹی جنرل منیجر سنجے سنگھ نے میڈیا رپورٹس کی تردید کی۔
خیال رہے کہ آریان خان کو انسداد منشیات فورس (نارکوٹکس فورس) نے گزشتہ سال تین اکتوبر کو دیگر 8 ساتھیوں کے ہمراہ ریاست مہاراشٹر کے دارالحکومت ممبئی کے ساحل سمندر پر کروز پارٹی سے گرفتار کیا گیا تھا۔
اور ان پر الزام عائد کیا تھا کہ ان کے پاس منشیات تھی اور وہ کروز میں ساتھیوں کے ہمراہ ڈرگ پارٹی کر رہے تھے، ان الزامات کی بنیاد پر ان پر مقدمہ چلایا گیا جس کے بعد انہیں 27 دن بعد 30 اکتوبر کو ممبئی ہائیکورٹ نے ضمانت پر رہا کر دیا تھا۔