کراچی پولیس اسٹریٹ کرائم کی وارداتوں کو روکنے میں ناکام

ویب ڈیسک

24th Mar, 2022. 04:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی پولیس اسٹریٹ کرائم کی وارداتوں کو روکنے میں ناکام

کراچی پولیس اسٹریٹ کرائم کی وارداتوں کو روکنے میں ناکام ہوگئی ہے۔

تفصیلات کے مطابق کراچی میں تھانہ پی آئی بی کالونی میں روز بروز وارداتوں میں اضافہ ہونے لگا۔

دو دن قبل ہونے والی موبائل فون کی دوکان میں ڈکیتی کی واردات کا واقعہ پیش آیا جس کی سی سی ٹی وی فوٹیج بول نیوز نے موصول کر لی ہے۔

فوٹیج میں دیکھا جاسکتا ہے کہ واردات میں 6 مسلحہ ملزمان نے دوکان پر واردات کی جبکہ ملزمان اپنے ساتھ بوری لے کر آئے تھے۔

سی سی ٹی وی فوٹیج میں واضح دیکھا جاسکتا ہے کہ تمام موبائل فون بوری میں ڈالنے کے بعد ملزمان فائرنگ کرتے ہوئے فرار ہوگئے۔

واضح رہے کہ پی آئی بی کالونی میں مسلسل اسٹریٹ کرائم کی وراداتیں رپورٹ ہورہی ہیں جبکہ علاقہ پولیس کے گشت نہ ہونے سے ملزمان آزادنہ وارداتوں میں مصروف ہیں۔

دوسری جانب کراچی کے علاقے سہراب گوٹھ سپر مارکیٹ میں دس دن کے دوران متعدد دکانیں لوٹ لی گئیں، گزشتہ روز اسپئر پارٹس کی دکان میں ڈکیتی ہوئی۔

اس سے علاوہ تین ملزمان نے دکان میں گھس کر کیش اور موبائل فون لوٹ لیا۔

دکاندار کا کہنا تھا کہ پولیس کو شکایات کی ہیں لیکن ورادتین تھم نہیں رہیں۔