صومالیہ، خشک سالی کے باعث قحط کا خطرہ منڈلانے لگا

ویب ڈیسک

28th Mar, 2022. 08:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صومالیہ، خشک سالی کے باعث قحط کا خطرہ منڈلانے لگا

اقوام متحدہ (یو این) سے منسلک انٹرنیشنل آرگنائزیشن فار مائیگریشن (آئی او ایم) کے ٹوئٹر اکاؤنٹ پر دیے گئے اپنے بیان میں کہا ہے کہ صومالیہ میں خشک سالی میں اضافہ دیکھنے میں آیا ہے۔ صومالیہ میں شدید خشک سالی کے باعث قحط کا خطرہ ہونے سے بھی آگاہ کیا گیا ہے۔

جاری کردہ بیان میں اس بات کا ذکر کیا گیا کہ صومالیہ کو شدید خشک سالی کا سامنا ہے اور اس بات کی نشاندہی کی گئی کہ یہ صورتحال قحط کا خطرہ پیدا کر سکتی ہے۔ملک میں خشک سالی کے خلاف جنگ جاری ہے، اور یہ بات شیئر کی گئی کہ گزشتہ ماہ اٹھارہ لاکھ لوگوں کو خوراک کی مد میں جبکہ 173ہزار 400 لوگوں کو پینے کے پانی کی سہولت فراہم کی گئی ہے۔

بیان میں ترجمان کا مزید کہنا تھا کہ کہا گیا ہے کہ ملک میں مزید 4.9 ملین افراد کو مدد کی ضرورت ہے اور اس سلسلے میں عالمی برادری سے تعاون کی درخواست کی گئی۔

یاد رہے، صومالیہ کی حکومت نے بڑھتی ہوئی خشک سالی کی وجہ سے 23 نومبر 2021 کو ملک بھر میں “ایمرجنسی کی حالت” کا اعلان کیا۔

علاوہ ازیں، صومالیہ میں معاشی بحران سمیت اب قحط جیسی صورتحال کا پیدا ہونا اس امر کی نشاندہ کرتا ہے کہ مملکت میں موجودہ حالات مقامی انسانوں کے لیے خطرناک ہیں۔ عالمی ادارے نوٹس لیتے اس کا تدارک کریں تاکہ صومالیہ میں حالات بہتر ہوسکیں۔