عالمی معاشی ترقی میں ایشیا کا کردار نظر انداز نہیں کیا جاسکتا، آئی ایم ایف

ویب ڈیسک

17th Mar, 2022. 11:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عالمی معاشی ترقی میں ایشیا کا کردار نظر انداز نہیں کیا جاسکتا، آئی ایم ایف

عالمی مالیاتی ادارے کا کہنا ہے کہ عالمی معاشی ترقی میں ایشیا کا کردار نظر انداز نہیں کیا جاسکتا۔

غیر ملکی خبر رساں ادارے کے مطابق عالمی مالیاتی ادارے (آئی ایم ایف) نے کہا ہے کہ غیریقینی صورتحال کے باوجود ایشیا اور بحرالکاہل عالمی اقتصادی ترقی میں اہم کردار کے حامل ہیں۔ آئی ایم ایف کی رپورٹ کے مطابق ایشیا کے ممالک نے عالمی معاشی بحالی میں نمایاں مدد دی ہے۔

رواں سال کے دوران ایشیا و بحرالکاہل کے ممالک میں معاشی ترقی میں نمایاں اضافہ متوقع ہے اور رواں سال کے دوران ایشیا کی اقتصادی بڑھوتری کا تخمینہ 4.9 فیصد تک بڑھنے کا بھی امکان ہے۔

اس تناظر میں آئی ایم ایف کا مزید کہنا ہے کہ معاشی ترقی میں افراطِ زر کے خدشات بھی موجود ہیں تاہم دیگر ممالک کے مقابلہ میں ایشیائی ممالک میں اس کی شرح کم رہ سکتی ہے۔ اسی طرح مداخل کی قیمتوں میں اضافہ اور رسد کے مسائل درآمدی اشیاء کی قیمتوں میں اضافہ کا سبب بن سکتے ہیں۔افراط زر پر قابو پاتے ہوئے ایشیا اور بحرالکاہل کے ممالک عالمی معاشی شرح نمو کی بڑھوتری میں کلیدی کردار ادا کر سکتے ہیں۔

عالمی تجارتی ماہرین کا کہنا ہے کہ حالیہ آئی ایم ایف کا بیان اس بات کا عکاس ہے کہ بحرالکاہل اور ایشیا علامی معیشت میں ریڑھ کی ہڈی کی حیثیت رکھتا ہے۔