یہ دنیا بے حد حسین ہے اور اس کا اندازہ وہی لگا سکتے ہیں جو فطرت سے محبت کرتے ہیں۔ اس کی حسین وادیاں، جھرنے، آسمان کو چھوتے برف پوش پہاڑ اورسرسبز میدان فطرت سے محبت کرنے والوں کے لئے کسی نعمت سے کم نہیں۔

 یہ تمام نظارے قدرت نے انسان کے لئے بنائیں ہیں۔ ان ہی حسین نظاروں کے درمیان کچھ ایسے مناظر بھی دیکھنے میں آتے ہیں جنہیں دیکھ کرعقل دنگ رہ جاتی ہے، یہاں پر ایسے ہی مناظر پیش کئے جارہیں ہیں جو آپ کو حیران کر دیں گے۔

بل کھاتا انوکھا کھیرا

کھیرا ایک سبزی ہے جو دنیا بھر میں ایک ہی شکل اور رنگ کی پیدا ہوتی ہے، لیکن کبھی کچھ منفرد بھی ہوجاتا ہے جیسا کہ اس تصویر میں دیکھا جاسکتا ہے کہ اس میں کھیرا بل کھاتا ہوا نظر آرہا ہے۔

قوس قزاح

یہ بات تو سب ہی جانتے ہیں کہ پانی کے قطرے سے جب سورج کی کرنیں گزرتی ہیں تو یہ سات رنگوں میں تقسیم ہوجاتی ہیں انہی رنگوں کو دھنک یا قوس قزاح کہتے ہیں۔ جیسا کہ اس تصویر میں دیکھا جاسکتا ہے کہ نلکے سے نکلنے والے پانی سے سورج کی کرنیں گزرنے پر قوس قزاح بن گئی ہے۔ ایسا منظر کم ہی دیکھنے میں آتا ہے۔

حسین اتفاق

زندگی میں بہت کم ایسا ہوتا ہے کہ جو شے آپ کے پاس ہو اس پر بنی تصویر بلکل اسی جگہ کی ہو جہاں آپ موجود ہوں، جیسا کہ اس تصویر میں نظر آرہا ہے اس لائٹر کو خریدنے والے نے سوچا بھی نہیں ہوگا وہ کبھی اس مقام کا رخ بھی کرے گا مگر اتفاق سے وہ شخص اس منظر کا لائٹر پر بنی تصویر کے ساتھ موازنہ کر رہا ہے کیو نکہ دونوں بلکل ایک جیسی ہیں۔

گوشت ہے یا پتھر

بھنے ہوئے گوشت کو دیکھ کر ہر ایک اسے کھانا کی خواہش رکھتا ہے اور جب یہ سامنے آجائے تو پھر ہاتھ روکنا مشکل ہوجاتا ہے لیکن ٹھہریئے! اس تصویر میں نظر آنے والا گوشت نہیں ہے بلکہ یہ ایک پتھر ہے جو قدرتی طور گوشت سے مشابہت رکھتا ہے۔

بادل نے بنایا دنیا کا نقشہ

بادلوں کو جب بھی دیکھیں اس میں کوئی نہ کوئی تصویر بنی ضرور نظر آتی ہے لیکن اسے حسن اتفاق کہیں کہ اس منظر میں بادل دنیا کا نقشہ پیش کر رہے ہیں۔

  جیکٹ کا رنگ یا قوس قزاح

سیروتفریح کے لئے جانے والے تصاویر ضرور لیتے ہیں تاکہ زندگی کے حسین لمحات کی یادیں تصویروں کی صورت میں محفوظ رہیں۔ لیکن کچھ تصاویرلیتے ہوئے ایسے مناظر اس تصویر کے ساتھ شامل ہو جاتے ہیں جیسے کہ انہیں سوچ سمجھ کر لیا گیا ہو جیسا کہ اس تصویر میں دیکھا جاسکتا ہے کہ لڑکی کی جیکٹ پر بننے والی قوس قزاح حقیقی قوس قزاح سے مل گئی جس نے اس تصویر کوخوبصورت کے ساتھ منفرد بھی بنادیا۔