کیا وجہ ہے کہ پی پی سندھ پر راج کرتی ہے لیکن کام نہیں کرتی ، شاہ محمود قریشی

ویب ڈیسک

01st Mar, 2022. 03:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کیا وجہ ہے کہ پی پی سندھ پر راج کرتی ہے لیکن کام نہیں کرتی ، شاہ محمود قریشی

شاہ محمود قریشی نے کہا کہ کیا وجہ ہے کہ پی پی جو سندھ پر راج کرتی ہے لیکن کام نہیں کرتی۔

وزیرخارجہ شاہ محمود قریشی نے ہنگورجہ میں عوامی اجتماع سے خطاب کرتے ہوئے کہا ہے کہ اس علاقے میں بڑی بڑی سیاسی شخصیات پیدا ہوئیں، یہاں سے وزیراعلیٰ بھی رہے لیکن خیرپور پیاسا ہے۔

انہوں نے کہا کہ خیرپور کے لوگوں تمہیں اُٹھنا ہوگا، یہاں کوئی ترقی نہیں ہوئی، کیا وجہ ہے کہ پی پی جو سندھ پر راج کرتی ہے لیکن کام نہیں کرتی، پندرہ سال گزرنے کے باوجود بھی ترقی نہیں ہوئی۔

شاہ محمود قریشی نے کہا کہ کیا پندرہ سال اور انتظار کرنا پڑے گا، اب پندرہ سال کے حساب مانگنے کا وقت ہے، یہ لوگ حساب دینے کے بجائے اسلام آباد مارچ کرنے جارہے ہیں۔

وزیرخارجہ نے کہا کہ سندھ تبدیل ہورہا ہے، میری نظر یہ دیکھ رہی ہے، لاڑکانہ نے اپنا فیصلہ سُنا دیا، خیرپور نے بھی سنا دیا ہے، اُٹھنا ہوگا ان حکمرانوں سے پندرہ سال کا حساب مانگنا ہوگا۔