امریکی ٹیکنالوجی جائنٹ ایپل نے 8 مارچ کو اب تک کا سب سے سستا آئی فون متعارف کرایا تھا۔

فائیوجی ٹیکنالوجی سے لیس اس فون کو محض 429 ڈالر( 76 ہزار پاکستانی) کی قیمت پر لانچ کیا گیا تھا۔

آئی فون ایس ای 2022 نے اپنی حریف کمپنیوں خصوصاً سام سنگ کے لیے سخت مسابقت کی فضا قائم کردی ہے۔

ایپل کی جانب سے اس ماڈل میں کاربن سے پاک ایلمونیم استعمال کرنے کا اعلان کیا گیا تھا۔

یہ بھی  پڑھیں: ایپل نے اینڈروئیڈ سے بھی سستا فائیو جی آئی فون پیش کردیا

اس ضمن میں آج ایپل کی جانب سے جاری ہونے والے بیان میں کہا گیا ہے کہ وہ اپنی مصنوعات کی کیسنگ میں استعمال ہونے والی دھاتوں کو کاربن سے پاک رکھنا چاہتے ہیں۔ ؎

جس کے لیے آئی فون ایس ای 2022 میں استعمال ہونے والے کاربن سے پاک ایلمونیم کوبھاری مقدارمیں خریدلیا ہے۔

ایپل نے 2019 میں کینیڈا کی ایک کمپنی Elysis سے لیباریٹری میں جانچ کے لیے کاربن سے پاک اس مادے کی چھوٹی مقدار خریدی تھی۔ ابتدائی طورپراسے میک بک پرو16 انچ میں استعمال کیا گیا تھا۔

Elysis کی جانب سے بنائی گئی اس ٹیکنالوجی  کی مدد سے سرامک اینوڈ (برق پاشیدگی میں استعمال ہونے والی دو پیلٹوں میں سے مثبت چارج والی پلیٹ جس پر منفی چارج والے آئز اکٹھے ہوتے ہیں) کی مدد سے ایسا ایلمونیم بنایا جاتا ہے جوصرف آکسیجن خارج کرتا ہے۔

مذکورہ کمپنی اپنی اس ٹیکنالوجی کو 2024 تک تجارتی بنیادوں پر پیش کرنے کی منصوبہ بندی کر رہی ہے۔

ایپل کی جانب سے خریدے اس میٹریل کی مقدار اور ادا کی گئی رقم کی تفصیلات ظاہر نہیں کی گئی ہیں۔