پاکستان کے معروف اداکار منیب بٹ نے اپنی اہلیہ کے لئے پورا سنیما بُک کروا لیا۔

مشہور پاکستانی اداکار منیب بٹ نے اپنی اہلیہ اداکارہ ایمن خان کی خواہش پر بھارتی اداکارہ عالیہ بھٹ کی نئی فلم گنگوبائی کاٹھیاواڑی دیکھنے کے لئے پورا سنیما بُک کروا لیا۔

میڈیا رپورٹ کے مطابق منیب بٹ ان دنوں اپنی اہلیہ اداکارہ ایمن خان اور بیٹی کے ہمراہ دبئی میں سیر سپاٹے کررہے ہیں، اس دوران انہوں نے اپنی بیوی کی فرمائش پر عالیہ کی فلم دیکھنے کے لیے پورا سنیما ہی بک کرالیا۔

اداکار نے انسٹاگرام پر سنیما کی اسٹوری پوسٹ کی جس میں وہ اپنی اگلی سیٹ پر بیٹھی ایمن خان سے کہہ رہے ہیں کہ ‘ایمن تمہارے لیے پورا سنیما بک کیا ہے’۔

ساتھ ہی منیب نے مضحکہ خیز انداز میں کہا کہ ‘اب اگر گنگو بائی فلم اچھی نہ ہوئی تو یہ نہ تھی قسمت  ہماری (ڈرامہ) کی آخری قسط دیکھیں گے’۔

مزکورہ ویڈیو کے کیپشن میں منیب بٹ نے ‘پرائیویٹ شو’ لکھا تاہم ویڈیو کو دیکھ کر یہ اندازہ لگایا جاسکتا ہے کہ منیب بٹ اور ایمن کے ہمراہ وہاں ان کے کچھ دیگر دوست بھی موجود تھے۔

https://www.youtube.com/watch?v=ca4fNcNvyS8

خیال رہے کہ گنگوبائی کاٹھیاواڑی رواں برس 25 فروری کو ریلیز کی گئی تھی جس کے بعد سے اس فلم کے بےحد چرچے ہو رہے ہیں سنجے لیلا بھنسالی کی ہدایتکاری میں بنائی جانے والی عالیہ بھٹ کی فلم ’گنگو بائی کاٹھیاواڑی ریلیز کے پہلے ہفتے میں ہی دنیا بھر میں 100 کروڑ روپے سے زائد کا بزنس کیا تھا۔ ‘ نے